1 Corinth 12:27 - De Nyew Testament

²⁷ Now den, oona mek op Christ body. Ebry one ob oona a paat ob dat body.

1 Corinth 12:27 ပူးပေါင်းရင်းမြစ်များ

Rome 12:5

Same fashion, eben dough we da heapa people, we come fa be one body cause we all trus een Christ. An ebry one ob we blongst ta all de oda res.

1 Corinth 1:2

We da write ta oona, God choch dey een Corinth, oona wa Jedus Christ done clean op an call fa be God own people. An we da write too ta all dem people all oba wa pray een de name ob we Lawd Jedus Christ, cause e we Lawd an dey Lawd too.

1 Corinth 10:17

Dey one bread dey. Eben dough dey plenty ob we, we all one body, cause we all da nyam dat one bread.

1 Corinth 12:12

Same way a body hab all kinda paat, an all dem ting paat ob de same body, e de same say so wid Christ.

1 Corinth 12:26

Ef one paat da suffa, all de oda paat suffa wid um. Ef one paat git praise, all de oda paat rejaice wid um.

1 Corinth 6:15

Fa true, oona know dat oona body dem ebry one a paat ob Christ body, ain dat so? A gwine tek one paat ob Christ body an mek um paat ob de body ob a loose ooman? Dat mus dohn happen!

Ephesus 1:23

De choch, e Christ body, an dat body full op wid Christ, de one wa da full ebryting een ebry way.

Ephesus 4:12

Christ do dis fa mek God people ready an able fa do de wok dat dem wa trus een Christ oughta do, so dat de body ob Christ, de choch, gwine grow scrong an git build op

Ephesus 5:23

Cause de husban de head ob de wife. E got tority oba e wife jes like Christ got tority oba de choch. An Christ de Sabior ob de choch, e body.

Ephesus 5:30

Cause we all blongst ta Christ body.

Colosse 1:18

Christ de head ob de body, de choch. E da gii de body life. E been de fus fa be dey, an de fus wa God mek git op fom mongst de dead an lib gin, so dat e gwine hab fus place oba all.

Colosse 1:24

Now A da suffa fa oona an A heppy fa dat. Cause by de pain wa A da suffa een me body, A da hep finish op wa still lef ob Christ suffrin fa de sake ob e body, de choch.

Colosse 2:19

People like dem, dey ain one wid Christ. Fa true, Christ de one wa da trol all de body. E da feed um fa mek um grow. E mek all de diffunt paat dem jine ta one noda an fasten togeda good. An so den de body, Christ choch, da grow jes like God mek um grow.