1 Corinth 11:5 - De Nyew Testament

⁵ An de ooman wa ain kiba e head wen e da pray or wen e da tell God wod, e ain hona e husban. E like dat ooman head shabe.

1 Corinth 11:5 ပူးပေါင်းရင်းမြစ်များ

Luke 2:36

One prophet ooman been dey. E name Anna, an e fada been Phanuel wa blongst ta Asher kin people. Now Anna been a ole ooman. E husban done been dead long time. Fom de time wen Anna marry, e been jes seben yeah fo e husban pass oba.

De Postle Dem 2:17

‘God say, Dis wa A gwine do wen dem las day come. A gwine pour out me Sperit pon all people. Oona son dem an oona daughta dem, dey gwine tell people wa A tell um fa say. Oona nyoung man dem gwine see wision wa A show um, an oona ole man dem gwine dream plenty ting fom me.

De Postle Dem 21:9

E hab fo daughta dat ain been marry yet. Dem ooman been prophet.

1 Corinth 11:4

So de man wa kiba e head wen e da pray or wen e da tell people God wod, e ain hona Christ.

1 Corinth 11:6

Ef a ooman ain kiba e head, den e oughta git e hair cut off. Bot wen de ooman shabe e head or cut e hair, e bring shame pon esef, so e oughta kiba e head.

1 Corinth 14:34

de ooman dem mus dohn say nottin een de choch meetin. Dey ain got no right fa taak dey an dey ain oughta be leada dey, jes like de Jew Law tell we.