1 Corinth 10:29 - De Nyew Testament

²⁹ A ain mean fa say, ef ya nyam de food, dat gwine trouble ya mind. Bot dat gwine trouble de mind ob de one wa tell ya bout um. Now den, ya aks jes cause dat gwine trouble de mind ob somebody else, wa dat haffa do wid me?

1 Corinth 10:29 ပူးပေါင်းရင်းမြစ်များ

Luke 4:18

“De Sperit ob de Lawd pon me. E done pick me fa tell de Good Nyews ta de po people. E done sen me fa tell dem wa ain free, say, ‘Oona gwine be free.’ E sen me fa tell de bline people, say, ‘Oona gwine see gin.’ E sen me fa free dem wa da suffa.

1 Corinth 10:32

Ya oughta lib ya life so dat ya ain gwine mek no trouble fa Jew people, or fa people wa ain Jew, or fa de people ob God choch.

1 Corinth 9:1

Ain A a free man? Ain A a postle? Ain A done see Jedus we Lawd wid me own eye? An fa true, cause ob me wok as a postle, oona come fa be one wid de Lawd, ainty dough?

1 Corinth 9:19

A a free man. A ain blongst ta no man. Stillyet, A mek mesef a slabe ta ebrybody, so dat A gwine bring all dem wa A kin bring ta Christ.

2 Corinth 8:21

We da try we bes fa do wa right, not jes fo de Lawd, bot fo people too.

1 Thessalonica 5:22

Mus stay way fom ebry kind ob ebil.