1 Corinth 10:15 - De Nyew Testament

¹⁵ A da taak ta oona like people wa got sense. Ya kin mek op ya own mind bout wa A da tell ya.

1 Corinth 10:15 ပူးပေါင်းရင်းမြစ်များ

1 Corinth 10:14

So den, me deah Christian bredren, mus dohn woshup idol tall.

1 Corinth 10:16

Een de Lawd Suppa wen we drink wa dey een de cup, we tank God dat we all hab we paat een de blood dat Christ done shed fa we, ainty? An wen we broke de bread, we all hab we paat een Christ body, ainty?

1 Corinth 11:13

A wahn oona fa mek op oona own mind. E right fa ooman pray ta God wen e head ain kiba?

1 Corinth 14:20

Me Christian bredren, oona mus dohn tink like chullun. Fa true, oona oughta be like leetle chullun wen e come ta ebil, bot oona mus tink like grownop people.

1 Corinth 4:10

We fool fa Christ, bot oona got sommuch sense fom Christ, ainty? We ain got no scrent, bot oona scrong fa true, ainty dough? People gii oona hona an pit oona way op high. Bot dey ain gii we no hona tall!

1 Corinth 6:5

A say dis fa mek oona shame! Oona ain gwine tell me dat dey ain none mongst oona dat got sense fa jedge de case wen oona Christian bredren got aught ginst one noda.

1 Corinth 8:1

Now dis yah wa A da say bout food dat people done sacrifice ta idol. Dat true wa dey say, we all know a heapa ting. An wen people tink dey know sompin, dey git de big head. Bot wen we lob one noda, we hep one noda waak wid God mo betta.

1 Thessalonica 5:21

Mus look at ebryting good fashion fa mek sho weza e fom God fa true. Den ef e good, oona mus hole fast ta um.