1 Corinth 1:4 - De Nyew Testament

⁴ A da tell me God tankya all de time fa e blessin pon oona wen oona come fa be one wid Jedus Christ,

1 Corinth 1:4 ပူးပေါင်းရင်းမြစ်များ

Matthew 19:11

Jedus ansa um say, “Ain all man kin cept dis, bot jes dem wa God done mek um able fa do dat.

John 10:30

Me an me Fada, we one.”

John 14:14

Oona kin aks fa anyting een me name an A gwine do um.

John 14:16

A gwine pray ta de Fada fa gii oona noda one fa come longside oona fa hep an lib wid oona faeba.

John 14:26

Bot de One wa gwine longside oona fa hep, dat de Holy Sperit. De Fada gwine sen um ta oona een me name. De Holy Sperit gwine laan oona all ting an mek oona memba all A done tell oona.

John 15:26

“De One wa da go longside people fa hep um, e gwine come. E de Sperit wa da come fom me Fada, an e gwine mek people know de trute. A gwine sen de Sperit ta oona fom me Fada, an e gwine come an tell bout me.

De Postle Dem 11:23

Wen Barnabas git ta Antioch an see how God beena bless de people dey, e been heppy fa true. E courage um all fa keep on da bleebe pon de Lawd wid all dey haat an waak fa true wid um.

De Postle Dem 21:20

Now wen James an de choch elda dem yeh wa Paul say, dey praise God. Den dey tell Paul say, “Broda, ya kin see dat many tousan Jew people yah bleebe pon Jedus. An dey all da tek cyah fa keep de Jew Law too good.

Rome 1:8

Fus off, A tank me God shru Jedus Christ fa all ob oona, cause people all oba de wol da yeh say oona trus een Jedus Christ.

Rome 6:17

Bot we tell God tankya, cause eben dough oona nyuse fa be slabe ta sin, now oona done set ya haat fa do all dem true ting wa dey been laan oona bout God.

1 Corinth 1:3

We pray fa God we Fada an we Lawd Jedus Christ bless oona an gii oona peace een oona haat.

1 Timothy 1:14

We Lawd pour out e blessin pon me fa true, so dat now A one wid Jedus Christ, da bleebe pon um an da lob um.