1 Corinth 1:29 - De Nyew Testament

²⁹ Cause ob dis, dey ain nobody kin brag bout nottin front ob God.

1 Corinth 1:29 ပူးပေါင်းရင်းမြစ်များ

Rome 15:17

So cause A one wid Jedus Christ, A kin be proud ob me wok fa God.

Rome 3:19

Now den, we know dat ebryting wa done been write een de Jew Law da taak ta dem people wa spose fa lib coddin ta dat Law. De Law dey so nobody kin say e ain know wa right fa do, an so all de people een de whole wol gwine haffa ansa ta God fa wa dey done.

Rome 3:27

So den, wa we kin brag bout? Ain nottin we kin brag bout, ainty? Hoccome we cyahn brag? We da do wa de Law tell we fa do, ainty? Ain dat mek ebryting right twix God an we? No, fa sho we cyahn brag bout dat, cause ebryting ain right twix God an we jes cause we da do wa de Law tell we fa do. No, ebryting right twix God an we cause we bleebe een Jedus.

Rome 4:2

Ef God mek all ting right twix Abraham an esef cause ob wa Abraham done, Abraham been gwine hab sompin fa brag bout. Bot e cyahn brag ta God bout dat.

1 Corinth 1:31

So den, like dey write een God Book say, “Ef people wahn fa brag, leh um brag bout wa de Lawd done.”

1 Corinth 4:7

Whodat mek oona mo betta den oda people? God gii oona wasoneba oona got, ainty? So den, ef dat so, hoccome oona da brag an mek like God ain gii oona wa oona got.

1 Corinth 5:6

Ain right fa oona brag so! Oona know wa dey say, ainty? “Jes a leeleetle bit ob yeast da mek all de bread dough rise.”

Ephesus 2:9

So den, oona ain got nottin fa brag bout, cause dey ain nottin oona kin do fa sabe oonasef.