Santiago 1:10 - Nuevo Testamento Guaraní Pe

¹⁰ Erei oporogüɨrovia vae oicocatu vae toyerovia Tumpa omomichi rambue. Echa yepe tei oicocatu, erei omanota co metei mbaepotɨ omano rami.

Biblia Guarani Tumpa Iñee

¹⁰ ërei oikokatu vae toyerovia Tumpa omomichi yave. Echa oikokatu vae ñana ipotɨ ramiño ko, mbaetɨ ɨma oiko.

Santiago 1:10 ပူးပေါင်းရင်းမြစ်များ

San Mateo 5:3

Jei chupe reta: —Toyerovia mbaeti etei oñemboete vae reta. Echa Tumpa omeeta chupe reta yogüɨreco vaera mboroocuaia ara pegua pe —jei—.

San Mateo 6:30

Tumpa omopora yae ñana, yepe tei metei ara ñana oi co pe jare pɨareve pe ócai. Jae rambue Tumpa omeeta co peve peremimondera. Michi co peporogüɨrovia —jei—.

1 Corintios 7:31

Jare mbaembae cuae ɨvɨ pegua oiporu vae agüɨye toipota yae. Echa mbaembae cuae ɨvɨ pegua opata co.

Filipenses 3:8

Jae ramiño vi mbaeti etei añemboete oipotagüe re, aicuaa vaera cheYa Cristo Jesús. Echa cuae icavi yae cheve opaete güi. Cristo Jesús jeco pegua mbaeti etei ma añemboete mbae re. Echa opaete jocuae mbaembae ɨtɨ rami co chevegua, Cristo anoi vaera,

1 Timoteo 6:17

Eyócuai cuae ɨvɨ pegua mbaembae re oicocatu vae reta agüɨye vaera oñemongueta iyee icavi yae paravete vae reta güi, jare agüɨye vaera oyeco icorepoti re. Echa güɨramoi ɨmambae omocañɨta. Erei toyeco Tumpa jecuaeño oico vae re. Echa jae omee ñandeve opaete mbaembae yayerovia vaera.

Santiago 4:14

Erei pe reta mbaeti peicuaa mbae ra oyeapota pɨareve. Mbaeti peicuaa oimeta ra pei pɨareve. Echa perecove ɨvɨti rami co. Oyecuaa michi peguaño. Jayave ɨmambae mbaeti ma oi.

1 Pedro 1:24

Tumpa iñee pe oyecuatía oi corai: Ɨvɨ pegua reta temitɨ reta rami co. Echa temitɨ ipotɨ yave, ipora co. Erei temitɨ omano yave, omano vi ipotɨ. Jae ramiño vi yepe tei ɨvɨ pegua reta oñemboete, erei opata co imaemboete.

1 Juan 2:17

Jare cuae ɨvɨ pegua opata co. Jare opa ma yave, ngaraa quia oipota ye. Erei Tumpa jemimbota oyapo vae oicota jecuaecuae aveiño.