Romanos 7:22 - Nuevo Testamento Guaraní Pe

²² Aicuaa chepɨa pe icavi co Tumpa iporoócuai.

Biblia Guarani Tumpa Iñee

²² Echa cheɨvɨte pe avɨakatu Tumpa iporookuai re;

Romanos 7:22 ပူးပေါင်းရင်းမြစ်များ

San Juan 4:34

—Che ayapo chembou vae oipota ayapo vaera vae, jare opaete iparavɨquɨ ayapo —jei Jesús—. Cuae co cherembiura rami —jei—.

Romanos 2:29

Erei metei judío ipɨa pe oi vae jeco pegua Judío añetete vae co. Jae ramiño vi metei oñemocircuncidauca vae ipɨa pe oi vae jeco pegua oñemocircuncidauca vae añetete vae co. Echa cuae nunga oyapo Espíritu jemimbota rupi, mbaeti oyecuatía oi vae rupiño. Tumpa omboeteuca cuae nunga, yepe tei iru vae reta mbaeti omboete.

Romanos 8:7

Echa mbaembae jete oipota vae reño oñemongueta vae reta oyovaicho Tumpa ndive. Echa ñateɨ reta oyapo Tumpa iporoócuai. Mbaeti etei ipuere oyapo Tumpa iporoócuai.

2 Corintios 4:16

Jae rambue mbaeti orecuérai. Echa yepe tei orerete pe jecuaeño roiporara, erei Tumpa jecuaeño omee oreve imbaepuere.

Efesios 3:16

Ayerure Tumpa pe omee vaera peve mbaepuere. Echa jae imbaepuere jeco pegua oñemboeteuca yae. Jare cuae mbaepuere rupi Tumpa iEspíritu tapemomɨrata pepɨa pe.

Colosenses 3:9

Agüɨye peapu oyoupe. Echa pemombo ma peyeugüi pereco indechigüe pochɨi vae jare icavi mbae vae reta peyapose vae.

Hebreos 8:10

Echa ameeta morogüɨrocuavee ipɨau vae Israel pegua reta pe jocuae ara reta güire. Jae co cuae: Amoñemongueta retata cheporoócuai reta re, jare ayapoucata chupe reta cheporoócuai reta. Jae reta chemboeteta. Echa oicuaata che co jae Tumpa. Jare che amborɨ retata. Echa yogüɨrecota chembae retara.

1 Pedro 3:4

Erei cuña reta toipota toñemopora icavi vae ipɨa pe oi vae pe. Echa jocuae mbaembae jete re oi vae opata co. Erei icavi vae ipɨa pe oi vae ngaraa opa. Jae rambue toñemomichi jare agüɨye toñeengata ime pe. Echa cuae icavi yae Tumpa pe.