San Mateo 8:18 - Nuevo Testamento Guaraní Pe

¹⁸ Jare jeta yae vae yogüeru Jesús oia pe. Jare Jesús oecha yave, jei jemimboe reta pe yogüɨraja vaera ɨ guasu jovaicho pe.

Biblia Guarani Tumpa Iñee

¹⁸ Jesús oecha jeta vae yogüeru jae oïa pe vae yave, jei jemimboe reta pe yogüɨraja vaerä ɨguasu jovaicho pe.

San Mateo 8:18 ပူးပေါင်းရင်းမြစ်များ

San Mateo 14:22

Jare jupiveiño Jesús oyócuai jemimboe reta oyeupi vaera chalana pe, jare yogüɨraja vaera jenonde ɨ guasu jovaicho pe, jae omondo rambueve yatɨ vae reta.

San Mateo 8:1

Jare Jesús ogüeyɨ ma ɨvɨtɨ güi yave, jeta yae vae yogüɨraja jaɨcue.

San Marcos 4:35

Jocuae ara cuaraɨ oique ma yave, —Yaja ɨ guasu jovaicho pe —jei Jesús jemimboe reta pe.

San Marcos 5:21

Jesús ojo ovae yave ɨ guasu jovaicho pe chalana pe, yogüeru jeta yae vae jae oia pe. Jare Jesús opɨta ɨ guasu jembeɨ pe.

San Marcos 6:45

Jare jupiveiño Jesús oyócuai jemimboe reta oyeupi vaera chalana pe, jare yogüɨraja vaera jenonde ɨ guasu jovaicho pe tenta Betsaida pe, jae omondo rambueve yatɨ vae reta.

San Marcos 8:13

Jayave Jesús oeya, jare oyeupi ye chalana pe, jare ojo ɨ guasu jovaicho pe.

San Lucas 8:22

Jare metei ara Jesús oyeupi metei chalana pe jemimboe reta ndive. Jayave Jesús jei chupe reta: —Yaja ɨ guasu jovaicho pe. Jayave omboɨpɨ yogüɨraja ɨ guasu rupi.

San Juan 6:15

Jare Jesús oicuaa yogüeruta oipɨɨ oyapo vaera juvicha guasura, yepe tei jae mbaeti oipota. Jayave ojo chugüi reta ɨvɨtɨ re. Jaeiño ojo.