San Mateo 8:16 - Nuevo Testamento Guaraní Pe

¹⁶ Jare cuaraɨ oique ma yave, tenta pegua reta güeru Jesús pɨri jeta aña oya jese vae reta. Jayave Jesús oyócuai aña reta yogüɨraja vaera opaete oya jese vae reta güi, jare ombogüera opaete imbaerasɨ vae reta.

Biblia Guarani Tumpa Iñee

¹⁶ Jare pɨ̈tu ma yave, güeru reta Jesús pe jeta aña oya jese vae reta. Jare Jesús iñee peño ombosɨrɨ aña reta oya jese vae reta güi, jare ombogüera opaete imbaerasɨ vae.

San Mateo 8:16 ပူးပေါင်းရင်းမြစ်များ

San Mateo 12:22

Jayave amogüe vae güeru Jesús oia pe metei cuimbae aña oya jese vae. Cuimbae jesa mbae jare iupa vae. Jare Jesús ombogüera. Cuimbae mbaeti ma jesa mbae. Omae ma. Mbaeti ma iupa. Iñee ma.

San Mateo 14:14

Jesús ogüeyɨ yave chalana güi, oecha jeta yae vae, jare oiparareco reta. Jayave ombogüera imbaerasɨ vae joco pe ñogüɨnoi vae reta.

San Mateo 8:15

Jayave Jesús oipopɨɨ jare jacu opɨta chugüi. Jayave cuña opúa jare omee mbae jou reta vaera.

San Mateo 8:33

Jayave cuchi iñangarecoa reta otecuarai, jare yogüɨraja tenta pe, jare omombeu tenta pegua reta pe opaete oyeapo vae regua. Omombeu vi chupe reta mbae aña oya jesegüe vae reta pe oyeapo vae.

San Mateo 9:2

Jayave amogüe vae güeru metei cuimbae imbaerasɨ vae. Cuae cuimbae mbaeti ipuere omɨi. Oñeno oi jupa pe. Jesús cuae oecha yave, oicuaa jae reta güɨrovia co jese, jare jei cuimbae mbaeti ipuere omɨi vae pe: —Eyerovia, cherɨvɨ. Nembaeyoa reta oñemboai ma —jei.

San Marcos 2:3

Jayave amogüe yogüeru vae reta güeru metei cuimbae imbaerasɨ vae. Cuae cuimbae mbaeti ipuere omɨi. Oyevoɨuca ou irundɨ cuimbae reta pe.

San Marcos 5:8

Echa Jesús jei aña pe: —Ecua cuae cuimbae güi, aña.

San Marcos 9:25

Jare Jesús oecha yave jeta vae oñemboatɨ joco pe, oñeengata aña pe. —Aña oporomboupa jare oporomboapɨsa mbae vae —jei chupe—, che roócuai reo vaera cuae cunumi güi, jare agüɨye eya ye jese —jei aña pe.

San Lucas 13:12

Jare Jesús oecha ma yave, jei chupe: —Eyu checotɨ, cuña. Recuera ma co nembaerasɨ güi —jei.

San Lucas 4:40

Jare cuaraɨ oique ma yave, opaete jentara imbaerasɨ vae güɨnoi vae reta güeru imbaerasɨ vae reta Jesús oia pe. Jare Jesús oñono ipo metei ñavo re jare ombogüera reta.

San Lucas 4:41

Jare aña reta yogüɨraja oya jese vae reta güi. Osapúcai reta jare jei: —Nde co jae Tumpa Taɨ. Erei Jesús oñeengata chupe reta. Mbaeti omaeño aña reta re imiari vaera. Echa jae reta oicuaa jae co Cristo.

Hechos 5:15

Jare tenta pegua reta güɨraja imbaerasɨ vae reta icatu pe, jare oñono jupa reve tape reta pe. Cuae oyapo reta Pedro icuaraɨa yepe oi vaera amogüe vae re, jae oasa ojo yave.