San Mateo 7:24 - Nuevo Testamento Guaraní Pe

²⁴ Jae rambue oime yave quia oyeapɨsaca cheré vae, jae oyapo yave che jae chupe oyapo vaera vae, jae co metei cuimbae iyaracuaa vae jora oyapo vae rami. Echa cuimbae iyaracuaa vae oñono o iguapɨara ita tuicha vae ɨvɨgüɨ pe oi vae re —jei—.

Biblia Guarani Tumpa Iñee

²⁴ Jáeramo, oime kia oyeapɨsaka cheré jare oyapo che jae chupe oyapo vaerä vae yave, tambojaanga metei kuimbae iyarakuaa vae jorä omopüa ita guasu re vae re.

San Mateo 7:24 ပူးပေါင်းရင်းမြစ်များ

San Mateo 12:50

Echa opaete cheRu ara pe oi vae jemimbota oyapo vae reta co jae cherɨvɨ, jare chereindɨ, jare chesɨ —jei.

San Mateo 16:18

Jare che jae ndeve, nde co jae Pedro. Jare che etei amomɨratata aiparavo vae reta, ipɨrata vaera metei o ita guasu iárambue oi vae ipɨrata rami. Jae rambue cañɨtei ngaraa ipuere jese reta —jei—.

San Mateo 24:45

Metei tembiócuai iyaracuaa vae oyapo iya jei chupe oyapo vaera vae. Jare iya omee chupe oico vaera iru jembiócuai reta juvichara, jare omee vaera chupe reta jembiura ara ñavo —jei—.

San Mateo 25:2

Jare cinco jocuae cuñatai reta iyaracuaa, jare iru cinco vae reta mbaeti iyaracuaa —jei—.

San Mateo 25:4

Erei iyaracuaa vae reta güɨraja vi aceite lámpara peguara aceite jɨru pe —jei—.

San Mateo 25:9

Erei cuñatai iyaracuaa vae reta jei: Ani. Romee yave peve, ngaraa ndipo oupitɨ oreve. Icavi ndipo pe reta peo vaera aceite omee vae reta pɨri pegua vaera peyeupe —jei reta, jei—.

San Mateo 7:25

Jayave oquɨ tanta jare jeta yae ɨ osɨrɨ o cotɨ. Ɨvɨtu yae vi o re. Ɨ jare ɨvɨtu omboyaparata tei o. Erei o mbaeti oyapara. Echa iguapɨa oi metei ita tuicha vae ɨvɨgüɨ pe oi vae re —jei—.

San Mateo 7:26

Erei oime yave quia oyeapɨsaca cheré vae, mbaeti yave oyapo che jae chupe oyapo vaera vae, jae co metei cuimbae mbaeti iyaracuaa vae jora oyapo vae rami. Echa cuimbae mbaeti iyaracuaa vae oyapo jora ɨvɨcuiti re —jei—.

San Lucas 11:28

Erei Jesús jei: —Añete co. Erei Tumpa omovendiseta opaete oyeapɨsaca iñee re vae reta, oyapo yave jeigüe —jei.

San Juan 13:17

Cuae peicuaa cavi. Peyapo yave, Tumpa oyapota icavi vae peve —jei Jesús chupe reta—.

San Juan 14:15

Cheraɨu yave, peyapo cheporoócuai reta —jei—.

San Juan 15:10

Peyapo yave cheporoócuai reta, peicota co cheraɨu reve. Echa corai che ayapo cheRu iporoócuai reta, jare jecuaeño che aico aaɨu reve —jei Jesús chupe reta—.

San Juan 15:14

Pe reta co jae cheamingo reta, peyapo yave che jae peve peyapo vaera vae —jei—.

Romanos 2:13

Echa Tumpa mbaeti ombojupi mboroócuai oenduiño vae reta. Tumpa ombojupita mboroócuai jeigüe oyapo vae reta.

1 Juan 2:3

Jesucristo iporoócuai reta yayapo yave, cuae oicuauca ñandeve yaicuaa co.