San Mateo 21:42 - Nuevo Testamento Guaraní Pe

⁴² Jayave Jesús jei chupe reta: —¿Mbaeti pa pemongueta cuae Tumpa iñee pe oyecuatía oi vae? Ita o iyapoa reta omombo vae oyeapo ma ita tenondegua vae. ÑandeYa oyapo cuae. Yaecha ma, jare ñanepɨacañɨ jese. Jocorai oyecuatía oi —jei—.

Biblia Guarani Tumpa Iñee

⁴² Jesús oparandu chupe reta: —¿Mbaetɨi pa pemongeta Tumpa Iñee? “O iyapoa reta güɨröɨro ita vae, ou opɨta o ekina iguapɨkarä. YandeYa ko oyapo kuae, yaecha ma, jare ñanemopɨakañɨ.”

San Mateo 21:42 ပူးပေါင်းရင်းမြစ်များ

San Mateo 21:43

Jae rambue che jae peve, pe reta ngaraa peico Tumpa iporoocuaia pe. Tumpa omeeta iru tenta pegua reta pe yogüɨreco vaera joco pe. Jae reta oyapota jupi vae —jei.

Hechos 4:11

Cuae Jesús pe reta peroɨro, o ita pegua iyapoa reta metei ita güɨroɨro rami. Erei jae oyeapo ma ita oñeñono tenonde ora vae rami —jei—.

Romanos 9:33

Echa Tumpa iñee pe oyecuatía oi corai: Che añono Sion pe metei vae —jei Tumpa—. Jae co metei ita Sion pegua reta ipɨsayeyuca jese vae rami. Oñetinga reta jocuae ita re. Erei güɨrovia jese vae ngaraa etei jei: “Agüɨyeta tei arovia jese”. Jocorai oyecuatía oi.

Efesios 2:20

Ñamojaanga metei o. Temimondo reta jare Tumpa iñee omombeu vae reta o iguapɨara oñono vae reta rami co, jare pe reta co jae o rami. Jesucristo etei co jae ita oñeñono tenonde ora vae rami.