San Mateo 21:32 - Nuevo Testamento Guaraní Pe

³² Echa Juan ou oicuauca peve jupi vae, erei pe reta mbaeti perovia. Erei mburuvicha peguara ocovara vae reta jare cuña aguasa rupi yogüɨreco vae reta güɨrovia. Jare yepe tei cuae peicuaa, erei mbaeti peeya peñemongueta icavi mbae vae pepɨa pe oi vae. Jecuae peateɨ perovia Juan —jei—.

Biblia Guarani Tumpa Iñee

³² Echa Juan ou oikuaauka peve jupi vae regua, ërei pe reta mbaetɨ perovia. Ërei mburuvicha peguarä okovara vae reta jare kuña iyaguasa pota vae reta güɨrovia jese. Jare yepe tëi kuae peecha, ërei mbaetɨ peeya peyemongeta ikavimbae vae pepɨa pe oï vae, perovia vaerä Juan.

San Mateo 21:32 ပူးပေါင်းရင်းမြစ်များ

San Mateo 11:18

Echa Juan ou, jare jae oyecuacu tembíu jare vino güi. Jae rambue oicuaa vae reta jei aña oya co Juan re —jei—.

San Mateo 21:25

¿Quia pa ombou Juan oporombobautiza vaera? ¿Tumpa pa ombou? ani ¿ɨvɨ pegua reta pa ombou? —jei. Jayave jae reta jei oyoupe: —Yae yave: Tumpa co ombou, jae jeita ñandeve: Jocorai yave, ¿maera pa mbaeti perovia? —jei reta oyoupe—.

San Mateo 21:31

¿Quia nunga pa cuae mócoi vae güi oyapo tu jemimbota? —jei. Jayave jae reta jei chupe: —Jocuae tenonde voi tu oyócuai vae. Jayave Jesús jei chupe reta: —Añete che jae peve, mburuvicha peguara ocovara vae reta jare cuña aguasa rupi yogüɨreco vae reta oiqueta Tumpa iporoocuaia pe perenonde.

San Mateo 5:46

Echa peaɨu yave peraɨu vae retaño, jocuae mbaeti etei co mbae icavi vae. Jae rambue Tumpa ngaraa omee peve mbae jocuae jeco pegua. Echa mburuvicha peguara ocovara vae reta vi oyapo jocorai —jei—.

2 Timoteo 2:25

Tomboe oñemomichi reve oyovaicho jae ndive vae reta. Echa güɨramoi Tumpa omaeñota jese reta oeya vaera iñemongueta icavi mbae ipɨa pe oi vae jare oicuaa vaera añete vae,

Hebreos 3:12

Jae rambue, cherɨvɨ reta, peñeandu, agüɨye vaera pepɨa oñemotanta mbaeti perovia Tumpa rambue. Echa pepɨa oñemotanta yave, peopiata Tumpa jecuaeño oico vae güi.

2 Pedro 2:21

Echa oicuaa ma quirai oñembojupiuca vaera. Erei mbaeti oyapo mboroócuai Tumpa omombeu chupe reta vae. Icavi yae tei co agüɨye vaera oicuaa quirai oñembojupiuca vaera.

Apocalipsis 2:21

Jare amee ma ara reta jocuae cuña pe oeya vaera iñemongueta icavi mbae vae ipɨa pe oi vae, agüɨye vaera oyapo aguasa. Erei jecuae oyapo jocuae icavi mbae vae.