San Mateo 21:28 - Nuevo Testamento Guaraní Pe

²⁸ ¿Quirai pa peñemongueta cuae re? Metei cuimbae güɨnoi mócoi taɨ reta. Ou jei metei taɨ pe: Cheraɨ, cuae ara ecua eparavɨquɨ checo pe.

Biblia Guarani Tumpa Iñee

²⁸ Jei ye chupe reta: —¿Mbae pa peyemongeta kuae re? Metei kuimbae güɨnoi mókoi taɨ reta. Ou jei metei taɨ tenondegua pe: “Cheraɨ, kuae ara ekua eparavɨkɨ cheuvarupa pe.”

San Mateo 21:28 ပူးပေါင်းရင်းမြစ်များ

San Mateo 17:25

—Omboepɨ co —jei Pedro chupe reta. Jare oique yave ñogüɨnoi metei o pe, Jesús oique Pedro jenonde jare jei chupe: —Simón, mburuvicha ɨvɨ pegua reta ocovara iru vae reta pe. ¿Ocovara reta vi pa taɨ reta pe ani iru vae reta peño? ¿Mbae pa reñemongueta cuae re? —jei.

San Mateo 20:1

Echa mboroocuaia ara pegua metei co iya rami co. Co iya oe neimbove asɨ oeca ico pe oparavɨquɨ vae retara —jei—.

San Mateo 21:27

Jayave jei reta Jesús pe: —Mbaeti roicuaa. —Che vi ngaraa amombeu peve mbae nunga mbaepuere anoi cuae mbaembae ayapo vaera —jei Jesús chupe reta—.

San Mateo 21:29

Taɨ jei chupe: Ngaraa aja aparavɨquɨ. Erei taɨcue rupi iquɨreɨ ojo. Jae rambue ojo oparavɨquɨ tu ico pe —jei—.

San Mateo 21:33

Tamombeu ye peve amojaanga reve cuae: Oico metei cuimbae icora oiquese vae. Jayave oñotɨ pɨpe jeta uva. Jayave oyoo ɨvɨ, jare oyapo uva oitɨami pɨpe vaera. Oyapo vi metei chapapa, omae vaera ɨvate güi opaete co re. Jayave oiporuca ico iru vae reta pe, jae reta oñangareco vaera jese. Jayave co iya ojo mombɨrɨ ambué ɨvɨ pe —jei—.

San Mateo 22:17

Jae rambue emombeu oreve, ¿quirai pa reñemongueta cuae re? César ñandeócuai ñamboepɨ vaera chupe corepoti pe. ¿Jupi pa ñamboepɨ vaera chupe? ani ¿mbaeti pa jupi? —jei reta.

San Marcos 13:34

Ñamojaanga metei cuimbae ojo ambué ɨvɨ pe vae. Ojota ma jo güi yave, omee mbaepuere jembiócuai reta pe, jare oyócuai metei ñavo oyapo vaera iparavɨquɨ, jare oyócuai vi taraquera jaroa oaro cavi vaera —jei—.

San Lucas 13:4

Jare jocuae torre Siloé pe oise vae osururu jocuae dieciocho vae re jare oyuca reta. Güɨramoi pe reta peñemongueta jocuae dieciocho vae iyoa yae opaete iru Jerusalén pegua reta güi —jei—.

1 Corintios 10:15

Che jae cuae peve, jare añemongueta pe reta co jae iyaracuaa vae reta. Pe reta etei pepuere peicuaa añete ra cuae che jae peve vae.

1 Corintios 15:58

Jae rambue, cherɨvɨ aaɨu vae reta, peñemoatangatu jare peñemomɨrata. Jecuaeño tanta peparavɨquɨ ñandeYa pe. Echa peicuaa quirai peparavɨquɨ yave ñandeYa pe, ñandeYa omboecoviata peve.