San Mateo 21:23 - Nuevo Testamento Guaraní Pe

²³ Jare Jesús oique ye yave Tumpa jo pe, sacerdote reta itenondegua reta jare tenta pegua reta itenondegua reta yogüeru jae oia pe oporomboe rambueve, jare oparandu chupe: —¿Mbae nunga mbaepuere pa renoi cuae mbaembae reyapo vaera? ¿Quia pa omee ndeve mbaepuere cuae reyapo vaera? —jei reta.

Biblia Guarani Tumpa Iñee

²³ Jesús ou oväe yave tupao pe, sacerdote reta itenondegua reta jare tëta guasu pegua reta itenondegua reta yogüeru jae oïa pe oporomboe oï yave, jare oparandu reta chupe: —¿Mbae nunga mbaepuere ndive pa kuae mbaembae reyapo? ¿Kia pa omee ndeve kuae mbaepuere?

San Mateo 21:23 ပူးပေါင်းရင်းမြစ်များ

San Mateo 20:4

Jayave co iya jei chupe reta: Pe reta vi pecua peparavɨquɨ checo pe. Tamboepɨ peve jupi co amboepɨ peve vaera vae —jei, jei—. Jayave jae reta yogüɨraja co pe —jei—.

San Mateo 21:24

Jayave Jesús jei chupe reta: —Che vi taparandu peve mbae re. Pemombeu yave cheve, che vi amombeuta peve mbae nunga mbaepuere anoi cuae mbaembae ayapo vaera —jei—.

San Mateo 24:1

Jayave Jesús oe Tumpa jo güi. Jare jemimboe reta yogüeru oechauca Jesús pe opaete o Tumpa jo pe ñogüɨnoi vae reta.

San Mateo 26:55

Jayave Jesús jei yogüeru vae reta pe: —¿Maera pa peru quɨsepucu reta jare ɨvɨra reta chepɨɨ vaera, imonda vae peipɨɨ yave rami? Ara ñavo aguapɨ pe reta ndive Tumpa jo pe. Joco pe aporomboe, jare mbaeti chepɨɨ —jei—.

San Lucas 19:47

Jayave Jesús oporomboe Tumpa jo pe ara ñavo. Erei sacerdote reta itenondegua reta jare mboroócuai re oporomboe vae reta jare tenta pegua reta itenondegua reta oeca quirai ipuere oyucauca Jesús.

San Lucas 20:1

Jare metei ara Jesús oporomboe oi Tumpa jo pe, jare omombeu joco pe ñogüɨnoi vae reta pe ñee icavi vae. Jayave yogüeru vi joco pe sacerdote reta itenondegua reta jare mboroócuai re oporomboe vae reta jare tenta pegua reta itenondegua reta.

Hechos 4:7

Jayave jae reta oñono Pedro jare Juan ipɨte pe, jare oparandu chupe reta: —¿Mbae nunga mbaepuere pe pa peyapo cuae? Jare ¿quia jee re pa peyapo?

Hechos 7:27

Erei jocuae cuimbae icavi mbae vae oyapo iru pe vae omoaña Moisés, jare jei chupe: ¿Quia pa ndeapo oreruvichara, oreraa vaera?