San Mateo 15:32 - Nuevo Testamento Guaraní Pe

³² Jayave Jesús oeni jemimboe reta jare jei chupe reta: —Aiparareco cuae yatɨ vae reta. Echa mboapɨ ara ma ñogüɨnoi che ndive, jare mbaeti mbae güɨnoi jou vaera. Ngaraa amondo reta ocaru mbae reve, agüɨye vaera ipɨtu tape rupi —jei.

Biblia Guarani Tumpa Iñee

³² Jesús oenɨi jemimboe reta jare jei chupe reta: —Aiparareko amae kuae jeta vae reta re. Echa mboapɨ ara ma ñogüɨnoi che ndive, jare mbaetɨ mbae ave güɨnoi jou vaerä. Ngaraa amondo ye reta okarumbae reve, agüɨye vaerä ogüɨapi tape rupi.

San Mateo 15:32 ပူးပေါင်းရင်းမြစ်များ

San Mateo 12:40

Echa Jonás opɨta mboapɨ ara jare mboapɨ pɨtu jocuae jevae ɨ rupigua tuicha yae vae jɨe pe. Jae ramiño vi che cuimbaera ayeapo vae apɨtata mboapɨ ara jare mboapɨ pɨtu ɨvɨgüɨ pe —jei—.

San Mateo 14:13

Jare Jesús cuae oendu yave, ojo metei chalana pe mbaeti quia oicoa pe. Erei jeta yae vae oicuaa yave, yogüɨraja ɨvɨ rupiño tenta reta güi Jesús ojoa pe.

San Mateo 15:33

Jayave Jesús jemimboe reta oparandu chupe: —¿Quiraita pa ñandepuere ñamee mbɨyape cuae jeta yae vae pe cuae mbaeti quia oicoa pe, jae reta ocaru cavi vaera?

San Mateo 20:34

Jayave Jesús oiparareco reta jare oyavɨquɨ jesa. Jare jupiveiño mócoi reve ipuere omae, jare yogüɨraja Jesús jaɨcue.

San Mateo 27:63

jare jei chupe: —Oreruvicha, oremaendúa ma quirai jocuae cuimbae oporombotavɨse vae ndei omano mbove jei mboapɨ ara rupi oicove yeta ou omanogüe vae reta ipɨte güi.

San Mateo 9:36

Erei oecha yave jeta yae vae, oiparareco omae jese reta. Echa jae reta oñemambeco jare ipɨatɨtɨ. Vecha mbaeti iñangarecoa güɨnoi vae reta rami co.

San Marcos 9:22

Jare jeta vese ma oitɨ tata pe jare ɨ pe, oyuca vaera tei. Erei nde ndepuere yave mbae reyapo chupe, oreparareco jare oremborɨ —jei chupe.

San Lucas 7:13

Jare ñandeYa oecha yave cuña, oiparareco jare jei chupe: —Agüɨye eyaeo.

Hechos 27:33

Jare coeta ma yave, Pablo omboaracuaa opaete joco pe ñogüɨnoi vae reta ocaru vaera. Jei chupe reta: —Catorce ara ma peñemambeco, jare mbaeti pecaru.

Hebreos 4:15

Jesús mbaeti co sacerdote tenondegua mbaeti ipuere ipɨatɨtɨ yaiporara yave vae rami. Echa aña guasu imiari chupe oyapouca vaera tei mbaeyoa chupe, aña guasu imiari ñandeve rami. Erei jae mbaeti etei iyoa.