San Mateo 12:25 - Nuevo Testamento Guaraní Pe

²⁵ Jesús oicuaa fariseo reta iñemongueta jare jei chupe reta: —Metei tenta pegua reta oyovaicho oyoupi yave, opata co jocuae tenta. Jae ramiño vi metei o pegua reta oyovaicho oyoupi yave, opata co jocuae o —jei—.

Biblia Guarani Tumpa Iñee

²⁵ Jesús oikuaa fariseo reta iyemongeta jare jei chupe reta: “Metei mborookuaía pegua reta oyovaicho oyoupii yave, oyomboaita ko; jaeramiño vi metei tëta pegua reta ani metei o pegua reta oyovaicho oyoupii yave, opata ko oyomboai.

San Mateo 12:25 ပူးပေါင်းရင်းမြစ်များ

San Mateo 9:4

Erei Jesús oicuaa jae reta iñemongueta, jare jei chupe reta: —¿Maera pa penoi pepɨa pe ñemongueta icavi mbae vae reta?

San Marcos 2:8

Jare Jesús oicuaa voi jae reta iñemongueta, jare jei chupe reta: —¿Maera pa peñemongueta jocorai pepɨa pe?

San Juan 21:17

Jesús jei ye chupe mboapɨa re: —¡Simón, Jonás taɨ! ¿Cheraɨu pa? Pedro ipɨatɨtɨ. Echa mboapɨ vese ma Jesús jei chupe: “¿Cheraɨu pa?” Jayave jei ye: —CheYa. Nde reicuaa opaete. Nde reicuaa che roaɨu co. —Emongaru chevecha reta —jei Jesús chupe—.

1 Corintios 2:11

Metei vae mbaeti ipuere oicuaa iru vae iñemongueta. Jae eteiño oicuaa. Jae ramiño vi mbaeti quia ave oicuaa Tumpa iñemongueta. Jaeño Tumpa iEspíritu oicuaa.

Gálatas 5:15

Erei peñoraro yave oyoupi, güɨramoi peñomotareɨta.

Hebreos 4:13

Mbaeti mbae Tumpa oyapogüe vae ipuere oñemi Tumpa güi. Echa jae oecha jare oicuaa opaete regua. Jare jae ñaneraata opaete yayapo vae re.

Apocalipsis 16:19

Jare jocuae tenta tuicha vae oñemboyao mboapɨ pe jare opaete ɨvɨ rupi jeta tenta oñemboai. Jare Tumpa imaendúa jocuae tenta tuicha vae Babilonia jee vae re oiporarauca yae vaera chupe. Echa Tumpa pochɨ yae chupe.

Apocalipsis 2:23

Jare ayucata jocuae cuña imembɨ reta, jare opaete oporogüɨrovia vae oñemboatɨatɨ vae reta oicuaata quirai che aicuaa opaete vae iñemongueta ipɨa pe oi vae. Jare ameeta peve metei ñavo peparavɨquɨ ae rupi.