San Marcos 9:27 - Nuevo Testamento Guaraní Pe

²⁷ Erei Jesús oipɨɨ cunumi ipo pe, jare omopúa. Jare cunumi oñemboɨ.

Biblia Guarani Tumpa Iñee

²⁷ Ërei Jesús oipɨɨ ipo pe, jare omopüa. Jare kunumi oyemboɨ.

San Marcos 9:27 ပူးပေါင်းရင်းမြစ်များ

San Mateo 9:25

Jayave Jesús omoe opaete vae oca pe. Jayave oique ye o pe jare oipɨɨ cuñatai ipo pe, jare cuñatai opúa voi.

San Marcos 1:31

Jayave Jesús ojo oipopɨɨ, jare omopúa. Jare jacu opɨta chugüi. Jayave cuña omee mbae jou reta vaera.

San Marcos 1:41

Jesús oiparareco omae jese, jare oñono ipo jese. —Aipota. Ecuera —jei chupe.

San Marcos 5:41

Jayave Jesús oipɨɨ cuñatai ipo pe. —Talita cumi —jei chupe. (Cuae oipota jei: ¡Cuñatai! che jae ndeve: ¡Epúa!)

San Marcos 8:23

Jayave Jesús oipoco güɨraja cuimbae jesa mbae vae tenta güi. Jayave ondɨvɨ cuimbae jesa re. Jayave oñono ipo jese. —¿Ndepuere pa mbae reecha? —jei chupe.

San Marcos 9:26

Jare aña osapúcai ma yave, omborɨrɨi tanta yae cunumi, jare ojo chugüi. Jare cunumi omano echa opɨta. Jare jeta joco pe ñogüɨnoi vae reta jei: —Omano ma.

San Marcos 9:28

Jare Jesús oique yave metei o pe, jemimboe reta oparandu chupe, jae retaño jae ndive ñogüɨnoi yave: —¿Maera pa ore mbaeti orepuere romondo aña?

Hechos 23:19

Jayave sundaro reta juvicha oipɨɨ cunumi ipo pe, jare güɨraja iru vae reta ñogüɨnoia güi. Jayave oparandu chupe: —¿Mbae pa remombeuta cheve?

Hechos 3:7

Jayave Pedro oipɨɨ cuimbae ipo iyacatu pe omopúa. Jare jupiveiño ipɨrata cuimbae ipɨ jare ipɨñúa.

Hechos 9:41

Jayave Pedro oipɨɨ ipo pe, jare omopúa. Jayave oeni oporogüɨrovia vae reta jare imemano vae reta, jare oechauca chupe reta oicove ma co.