San Marcos 8:17 - Nuevo Testamento Guaraní Pe

¹⁷ Jesús oicuaa mbae jei reta vae, jare jei chupe reta: —¿Maera pa pemiari oyoupe mbaeti mbɨyape peru vae re? ¿Mbaeti pa peicuaa vɨteri? ¿Tanta yae pa co pepɨa? —jei—.

Biblia Guarani Tumpa Iñee

¹⁷ Jesús oikuaa mbae jei reta vae, jare jei chupe reta: —¿Maera pa peyoaka mbɨyape mbaetɨ peru vae re? ¿Mbaetɨño pa peikuaa kavi? ¿Täta yae ete pa ko pepɨa?

San Marcos 8:17 ပူးပေါင်းရင်းမြစ်များ

San Mateo 12:15

Erei Jesús cuae oicuaa yave, ojo joco güi. Jare jeta yae vae yogüɨraja jaɨcue, jare Jesús ombogüera opaete imbaerasɨ vae reta.

San Mateo 15:17

Peicuaa cavi cuae: Oipotagüe mbae peu vae oique perɨe pe, jare pemombo —jei—.

San Mateo 16:7

Jayave jemimboe reta jei oyoupe: —Cuae jei, mbaeti yaru mbɨyape rambue.

San Marcos 16:14

Cuae jaɨcue rupi Jesús oyeechauca jocuae once jemimboe reta pe etei, jae reta ocaru ñogüɨnoi rambueve, jare oñeengata chupe reta, mbaeti oporogüɨrovia jare ipɨatanta rambue. Echa iru vae reta oecha Jesús, oicove ye güire ou omanogüe vae reta ipɨte güi, jare omombeu tei jemimboe reta pe. Erei jae reta mbaeti güɨrovia.

San Marcos 2:8

Jare Jesús oicuaa voi jae reta iñemongueta, jare jei chupe reta: —¿Maera pa peñemongueta jocorai pepɨa pe?

San Marcos 3:5

Pochɨ reve Jesús omae iyɨpɨ rupi ñogüɨnoi vae reta re, jare ipɨatɨtɨ yae jae reta ipɨatanta rambue. —Eupi ndepo —jei cuimbae pe. Jayave cuimbae oupi, jare ipo ocuera cavi ma.

San Marcos 6:52

Echa jocuae mɨacañɨ mbɨyape regua oyapo yave, Jesús oipota tei jae reta oicuaa cavi vaera. Erei ndeiño oicuaa. Echa ipɨatanta vɨteri.

San Marcos 8:16

Jayave jemimboe reta jei oyoupe: —Cuae jei mbaeti yaru mbɨyape rambue.

San Lucas 24:25

Jayave Jesús jei chupe reta: —Pe reta co jae mbaeti iyaracuaa vae reta rami. Yavai co oi peve perovia vaera opaete Tumpa iñee aracae omombeu vae reta oicuatiagüe vae —jei—.

San Juan 16:30

Añave roicuaa nde reicuaa co opaete, jare mbaeti remonesesita quia omombeu vaera ndeve mbae re. Cuae jeco pegua rogüɨrovia nde reyu co Tumpa güi —jei reta.

San Juan 21:17

Jesús jei ye chupe mboapɨa re: —¡Simón, Jonás taɨ! ¿Cheraɨu pa? Pedro ipɨatɨtɨ. Echa mboapɨ vese ma Jesús jei chupe: “¿Cheraɨu pa?” Jayave jei ye: —CheYa. Nde reicuaa opaete. Nde reicuaa che roaɨu co. —Emongaru chevecha reta —jei Jesús chupe—.

Apocalipsis 2:23

Jare ayucata jocuae cuña imembɨ reta, jare opaete oporogüɨrovia vae oñemboatɨatɨ vae reta oicuaata quirai che aicuaa opaete vae iñemongueta ipɨa pe oi vae. Jare ameeta peve metei ñavo peparavɨquɨ ae rupi.