San Marcos 5:34 - Nuevo Testamento Guaraní Pe

³⁴ Jayave Jesús jei chupe: —Recuera ma, chereindɨ, rerovia cheré rambue. Ecua ndepɨacatu reve. Recuera ma co nembaerasɨ güi —jei.

Biblia Guarani Tumpa Iñee

³⁴ Jayave Jesús jei chupe: —Cherayɨ, rekuera ma, rerovia cheré ramo. Ekua ndepɨakatu reve. Rekuera ma ko reiporara vae güi.

San Marcos 5:34 ပူးပေါင်းရင်းမြစ်များ

San Mateo 9:2

Jayave amogüe vae güeru metei cuimbae imbaerasɨ vae. Cuae cuimbae mbaeti ipuere omɨi. Oñeno oi jupa pe. Jesús cuae oecha yave, oicuaa jae reta güɨrovia co jese, jare jei cuimbae mbaeti ipuere omɨi vae pe: —Eyerovia, cherɨvɨ. Nembaeyoa reta oñemboai ma —jei.

San Mateo 9:22

Erei Jesús oyerova, jare oecha yave, jei chupe: —Chereindɨ, ndepɨacatu. Recuera ma rerovia cheré rambue. Jare jupiveiño cuña ocuera.

San Marcos 10:52

Jayave Jesús jei chupe: —Ndepuere reo. Recuera ma, rerovia cheré rambue —jei. Jupiveiño ipuere omae, jare ojo Jesús jaɨcue tape rupi.

San Marcos 3:10

Echa jae ombogüera ma jeta vae, jare opaete iru imbaerasɨ vae reta oñomoañaaña yogüeru icotɨ. Echa oipota oya jese, opoco vaera jemimonde re.

San Marcos 5:29

Jare jupiveiño jugüɨguasu opɨta chugüi, jare oñandu jete ocuera ma imbaerasɨ güi.

San Marcos 5:33

Cuña oicuaa oyeapo ma chupe vae, jare ou icotɨ. Oquɨye güi orɨrɨi, jare oyeatɨca Jesús jóvai, jare omombeu chupe opaete oyeapo ma vae.

San Lucas 17:19

Jayave jei cuimbae pe: —Epúa eñemboɨ jare ecua nerenta pe. Recuera ma, rerovia cheré rambue —jei.

San Lucas 18:42

Jayave Jesús jei chupe: —Emae. Recuera ma, rerovia cheré rambue —jei.

San Lucas 7:50

Erei Jesús jei cuña pe: —Reñemboasauca ma rerovia cheré rambue. Ecua ndepɨacatu reve —jei.

San Lucas 8:48

Jayave Jesús jei chupe: —Recuera ma, chereindɨ, rerovia cheré rambue. Ecua ndepɨacatu reve —jei.

Hechos 14:9

Cuae cuimbae oendu Pablo imiari oi. Jare Pablo omae ngatu jese, jare oecha güɨnoi mborogüɨrovia ocuera vaera.

Hechos 15:33

Jare ɨma ngatu joco pe ñogüɨnoi yave, oporogüɨrovia vae reta oipota omondo cavi ye ombou vae reta cotɨ.

Hechos 16:36

Jare tembipɨɨrɨru iñangarecoa omombeu cuae ñee Pablo pe. Jei chupe: —Mburuvicha reta ombou cheócuai poyora vaera. Jae rambue añave pepuere pee jare peo cavi.

Santiago 2:16

Pere yave chupe: Ecua ndepɨacatu reve. Nderacu catu jare nerɨvata, erei mbaeti yave pemee chupe mbaembae oata chupe vae, jocuae pere vae mbaeti co mbae.