San Marcos 11:1 - Nuevo Testamento Guaraní Pe

¹ Jare coiño ma Jerusalén güi ñogüɨnoi yave, yogüɨraja ovae tenta reta Betfagé jare Betania iyɨpɨ pe. Jayave ɨvɨtɨ Oliva jóvai ñogüɨnoi yave, Jesús oyócuai mócoi jemimboe reta:

Biblia Guarani Tumpa Iñee

¹ Jesús jare jemimboe reta köiño ma Jerusalén güi ñogüɨnoi yave, tëta raɨ reta Betfagé jare Betania iyɨpɨ pe, ɨvɨtɨ Olivo jóvai. Jayave omondo mókoi jemimboe reta,

San Marcos 11:1 ပူးပေါင်းရင်းမြစ်များ

San Mateo 21:17

Jayave Jesús oeya reta. Ojo Jerusalén güi Betania pe, jare joco pe oico.

San Mateo 24:3

Jare Jesús oguapɨ oi rambueve ɨvɨtɨ Oliva re, jemimboe reta yogüeru jae oia pe jare jei chupe, jae retaño jae ndive ñogüɨnoi yave: —Emombeu oreve, ¿quirai yave pa cuae oyeapota? Jare reyu yeta ma yave, ¿quiraita pa roicuaa? Jare cuae ara reta opata ma yave, ¿quiraita pa roicuaa? —jei reta.

San Mateo 26:30

Jare opa güire omboete reta Tumpa canta pe, oe reta yogüɨraja ɨvɨtɨ Oliva cotɨ.

San Marcos 11:2

—Pecua pea tenta ñanderóvai oi vae pe —jei chupe reta—. Peo pevae rupive, pevaeta metei mburica mi taɨrusu vae oñeapɨti oi. Mbaeti etei vɨteri quia opo jese. Peyora jare peru —jei—.

San Marcos 13:3

Jare Jesús oguapɨ oi rambueve ɨvɨtɨ Oliva re Tumpa jo jóvai, Pedro, Jacobo, Juan, jare Andrés oparandu chupe, jae retaño jae ndive ñogüɨnoi yave:

San Marcos 14:13

Jayave Jesús oyócuai mócoi jemimboe reta: —Pecua tenta pe —jei chupe reta—. Peovaitita joco pe metei cuimbae ɨ güɨraja ɨru pe vae. Pecua jaɨcue —jei—.

San Marcos 6:7

Metei ara Jesús oeni jocuae doce jemimboe reta, jare omondo mocomócoi pe, jare omee chupe reta mbaepuere omondo vaera aña reta oya jese vae reta güi.

San Juan 8:1

Erei Jesús ojo ɨvɨtɨ Oliva jee vae pe.

Hechos 1:12

Jayave temimondo reta yogüeru ye Jerusalén pe ɨvɨtɨ Oliva jee vae güi. Jocuae ɨvɨtɨ coiño oi Jerusalén güi. Judío reta iporoócuai omaeño oguata vaera joco pe Jerusalén güi mbutuu iara pe.