San Marcos 10:1 - Nuevo Testamento Guaraní Pe

¹ Jayave Jesús ojo joco güi Judea pe Jordán jovaicho pe. Joco pe jeta vae oñemboatɨ ye jae oia pe. Jayave Jesús omboe reta, jecuaeño oyapo rami.

Biblia Guarani Tumpa Iñee

¹ Jayave Jesús ojo Capernaum güi Judea pe ɨ̈aka Jordán jovaicho pe. Joko pe jeta oyemboatɨ ye jae oïa pe. Jayave Jesús omboe reta, oporomboeñoi rami.

San Marcos 10:1 ပူးပေါင်းရင်းမြစ်များ

San Mateo 26:55

Jayave Jesús jei yogüeru vae reta pe: —¿Maera pa peru quɨsepucu reta jare ɨvɨra reta chepɨɨ vaera, imonda vae peipɨɨ yave rami? Ara ñavo aguapɨ pe reta ndive Tumpa jo pe. Joco pe aporomboe, jare mbaeti chepɨɨ —jei—.

San Mateo 4:23

Jare Jesús ojo opaete Galilea rupi, jare oporomboe judío reta itupao ñavo pe. Omombeu ñee icavi vae Tumpa iporoocuaia pegua, jare ombogüera imbaerasɨ vae reta oipotagüe mbaerasɨ güi.

San Marcos 1:21

Jare yogüɨraja ovae tenta Capernaum pe. Jare mbutuu iara ñavo Jesús oique judío reta itupao pe, jare oporomboe.

San Marcos 10:2

Jayave fariseo reta yogüeru Jesús oia pe. Jae reta oipota tei oyavɨuca chupe. Jae rambue oparandu reta chupe: —¿Jupi pa cuimbae omombo vaera jembireco?

San Marcos 12:35

Jare Jesús oporomboe oi Tumpa jo pe. —¿Maera pa jei mboroócuai re oporomboe vae reta Cristo co jae David Taɨ? —jei—.

San Marcos 14:49

Ara ñavo ai pe reta ndive Tumpa jo pe. Joco pe aporomboe, jare mbaeti chepɨɨ. Erei peyapo cuae, Tumpa iñee oyecuatía oi vae oyeapo vaera —jei.

San Marcos 2:13

Jayave Jesús oe, jare ojo ye ɨ guasu jembeɨ pe. Jare opaete vae oñemboatɨ jae oia pe, jare jae omboe reta.

San Marcos 4:2

Jare omboe reta jeta mbaembae re omojaanga reve. Jei chupe reta:

San Marcos 6:2

Jayave mbutuu iara pe Jesús omboɨpɨ oporomboe judío reta itupao pe. Jare jeta vae oyeapɨsaca jese, jare ipɨacañɨ. Jei reta oyoupe: —¿Quiape pa oñemboe cuae cuimbae opaete cuae re? ¿Mbae nunga aracuaa pa oñemee chupe? ¿Mbae nunga mɨacañɨ pa cuae oyapo ipo pe vae? —jei reta—.

San Marcos 6:34

Jesús ogüeyɨ yave chalana güi, oecha jeta yae vae, jare oiparareco reta. Echa jae reta vecha iñangarecoa mbae vae reta rami. Jare omboɨpɨ omboe reta jeta mbaembae re.

San Marcos 6:6

Jare Jesús ipɨacañɨ jese reta, jae reta mbaeti güɨrovia jese rambue. Jayave Jesús ojo oporomboe iru tenta jocoropi ñogüɨnoi vae reta pe.

San Juan 10:40

Jare Jesús ojo ye ɨ Jordán jovaicho pe tenonde yave Juan oporombobautiza oia pe, jare opɨta joco pe.

San Juan 11:7

Cuae jaɨcue rupi jei jemimboe reta pe: —Yaja ye mo Judea pe.

San Juan 18:20

Jayave Jesús jei chupe: —Che chemiari co opaete vae jovaque. Jecuaeño aporomboe judío reta itupao reta pe jare Tumpa jo pe. Echa joco pe jecuaeño oñemboatɨ judío reta. Mbaeti etei chemiari vɨari pe —jei—.