San Lucas 7:22 - Nuevo Testamento Guaraní Pe

²² Jayave Jesús jei Juan ombou chupe vae reta pe: —Pecua ye pemombeu Juan pe peecha jare peendu vae. Jesa mbae vae reta ipuere ma omae. Mbaeti ipuere oguata vae reta ipuere ma oguata. Ipire ocúi vae reta ocuera ma. Iyapɨsa mbae vae reta ipuere ma oendu. Omano vae reta oicove ye. Paravete vae reta oyeapɨsaca ñee icavi vae re —jei—.

Biblia Guarani Tumpa Iñee

²² Jayave Jesús jei Juan ombou chupe vae reta pe: —Pekua ye pemombeu Juan pe peecha jare peendu vae. Jesambae vae reta omae. Iköcho vae reta okuera. Ipire mbaerasɨ ókui vae reta okuera. Iyapɨsambae vae reta oendu. Omano vae reta oikove ye. Iparavete vae reta pe oñemoërakua ñee ikavi vae.

San Lucas 7:22 ပူးပေါင်းရင်းမြစ်များ

San Mateo 11:5

Jesa mbae vae reta omae. Mbaeti ipuere oguata vae reta oguata. Ipire ocúi vae reta ocuera. Iyapɨsa mbae vae reta oendu. Omanogüe vae reta oicove ye. Paravete vae reta oyeapɨsaca ñee icavi vae re —jei—.

San Mateo 21:14

Jare yogüeru Jesús oia pe Tumpa jo pe jesa mbae vae reta jare icocho vae reta, jare Jesús ombogüera reta.

San Lucas 4:18

ÑandeYa iEspíritu oime che ndive oi. Jae cheparavo amombeu vaera ñee icavi vae paravete vae reta pe. Jae chembou ambopɨacatu vaera ipɨatɨtɨ vae reta. Chembou vi amombeu vaera tembipɨɨ reta pe ipuere ma oyeyora, jare amombeu vaera jesa mbae vae reta pe omae vaera. Chembou vi ayora vaera oiporara vae reta oiporarauca chupe vae reta imbaepuere güi.

San Lucas 7:21

Jayave jocuae ora pe etei Jesús ombogüera jeta imbaerasɨ vae reta jare omondo aña reta oya jese vae reta güi. Jae ramiño vi ombogüera jeta jesa mbae vae reta, jae reta omae vaera.

San Lucas 7:23

Jare Tumpa omovendiseta jecuae güɨrovia cheré vae reta —jei chupe reta.

San Juan 1:46

—¿Oime pa mbae icavi vae Nazaret pegua? —jei Natanael. —Yaja eecha —jei Felipe.

Hechos 26:18

remomae reta vaera, jare oyerova reta vaera pɨtumimbi güi tembipe cotɨ, jare Satanás güi Tumpa cotɨ. Cuae oyapo reta yave, Tumpa iñɨrota chupe reta imbaeyoa reta re cheré güɨrovia rambue, jare omeeta chupe reta imbaera iru oñeñono tee Tumpa peguara vae reta ndive —jei, jei—.

Hechos 8:7

Echa aña reta ojo osapúcai reve oya jese vae reta güi. Jare jeta mbaeti ipuere omɨi vae reta jare jeta oguata mbae vae reta ocuera.

Santiago 2:5

Peyeapɨsaca cheré, cherɨvɨ reta aaɨu vae. Tumpa oiparavo paravete vae reta oicocatu vaera iporogüɨrovia re jare güɨnoi vaera imbaera iporoocuaia pe. Echa jocuae Tumpa güɨrocuavee opaete oaɨu vae reta pe.