San Lucas 5:8 - Nuevo Testamento Guaraní Pe

⁸ Jare Simón Pedro cuae oecha yave, oyeatɨca Jesús jóvai jare jei chupe: —Ecua chegüi, cheYa. Echa che co jae metei cuimbae iyoa vae —jei.

Biblia Guarani Tumpa Iñee

⁸ Jare Simón Pedro kuae oecha yave, oyetavatɨka Jesús jóvai jare jei chupe: —Esɨrɨ chegüi, cheYa. Echa che ko jae metei kuimbae iyoa vae.

San Lucas 5:8 ပူးပေါင်းရင်းမြစ်များ

San Mateo 17:6

Jare Jesús jemimboe reta cuae oendu yave, oa ɨvɨ re. Echa oquɨye yae reta.

San Mateo 2:11

Jare oique reta yave michia oicoa pe, oecha reta michia ichɨ María ndive. Jayave jae reta oyeatɨca jare omboete michia. Jayave oipea ivoɨta reta jare omee michia pe mbota reta - oro jare mbae ipiche cavi vae reta incienso jare mirra jee vae.

San Mateo 8:8

Erei cien sundaro vae juvicha jei chupe: —CheYa, agüɨye ecua chero pe. Echa che mbaeti co mbae. Ndepuere rere cuae güiño cherembiócuai ocuera vaera jare ocuerata co —jei—.

San Lucas 5:7

Jayave Simón oyepueru iñeiru iru chalana pe ñogüɨnoi vae reta pe yogüeru vaera omborɨ. Jayave jae reta yogüeru jare omotɨnɨe reta mócoi reve chalana. Jare mócoi reve ipoɨ yae jare osacambu pota echa.

San Lucas 5:9

Echa Pedro jare opaete jae ndive ñogüɨnoi vae reta ipɨacañɨ jeta yae jevae omboa vae re.

San Juan 11:32

Jayave María ojo ovae Jesús oia pe. Oecha rupive ojo oyeatɨca jae jóvai jare jei: —CheYa, nde cuae pe rei yave, mbaetita tei omano chequɨvɨ.

1 Corintios 13:12

Ñamae yave ñandeyee yeechaca pe, mbaeti yayeecha cavi. Jocoraiño vi añave mbaeti yaicuaa cavi mbaembae regua. Erei ñamae yave iru vae re coiño güi, yaecha cavi. Jocoraiño vi metei ara yaicuaa cavita mbaembae regua. Echa añave mbovɨño aicuaa. Erei jocuae ara aicuaata opaete, Tumpa checuaa rami.

Apocalipsis 1:17

Jare aecha yave, aa jae jóvai cuimbae omano vae rami. Jayave jae oñono ipo iyacatu cheré jare jei cheve: —Agüɨye equɨye. Che co jae tenondegua vae jare taɨcuegua vae —jei—.