San Juan 11:27 - Nuevo Testamento Guaraní Pe

²⁷ —Arovia, cheYa —jei Marta—. Añave arovia nde co jae Cristo. Nde co jae Tumpa Taɨ. Echa Tumpa iñee pe oyecuatía oi outa co Tumpa Taɨ ɨvɨ pe —jei.

Biblia Guarani Tumpa Iñee

²⁷ Marta jei chupe: —Arovia, cheYa. Añave arovia nde ko jae Cristo, Tumpa Taɨ, reyu kuae ɨvɨ pe vae.

San Juan 11:27 ပူးပေါင်းရင်းမြစ်များ

San Mateo 11:3

jei vaera chupe: —¿Nde pa co jae Cristo outa vae? ani ¿roarota pa iru vae ou vaera?

San Mateo 16:16

Jayave Simón Pedro jei chupe: —Nde co jae Cristo. Nde co jae Tumpa jecuaeño oico vae Taɨ —jei.

San Mateo 16:20

Jayave Jesús oyócuai jemimboe reta agüɨye vaera omombeu quia pe jae co Cristo.

San Lucas 2:11

Echa cuae pɨtu oa oporomboasa vae David jenta pe. Jae co ñandeYa Cristo —jei araɨgua chupe reta—.

San Juan 1:49

—Nde co jae Tumpa Taɨ, Rabí —jei Natanael—. Nde co jae Israel pegua reta juvicha guasu —jei.

San Juan 4:42

Jayave jei reta cuña pe: —Tenonde yave roporogüɨrovia nde rere oreve vae jeco pegua. Erei añave roporogüɨrovia ore etei roendu rambue, jare añave roicuaa cuae co jae ɨvɨ pegua reta omboasa vae Cristo jee vae —jei reta.

San Juan 6:14

Jare joco pe ñogüɨnoi vae reta oecha ma yave cuae mɨacañɨ Jesús oyapo vae, jei reta: —Cuae cuimbae jocuae Tumpa iñee omombeu vae etei co. Echa Tumpa iñee pe oyecuatía oi outa co ɨvɨ pe —jei reta.

San Juan 6:69

Jare rogüɨrovia ma nderé jare roicuaa ma nde co jae Tumpa oñono tee iyeupeguara vae —jei.

Hechos 8:36

Jare tape rupi yogüɨraja rambueve, yogüɨraja ovae ɨ jenda pe, jare eunuco jei: —Co oi ɨ. ¿Oime pa mbae ayapo vaera ndei añembobautizauca mbove?

Hechos 8:37

—Reporogüɨrovia yave opaete ndepɨa pe, ndepuere reñembobautizauca —jei Felipe chupe. —Arovia Jesucristo co jae Tumpa Taɨ —jei eunuco Felipe pe.

1 Juan 5:1

Opaete güɨrovia Jesús co jae Cristo vae reta güɨnoi tecove opa mbae vae Tumpa güi. Jare oaɨu ñandeRu Tumpa vae oaɨu vi Tumpa taɨ reta.

1 Juan 5:20

Jae ramiño vi yaicuaa Tumpa Taɨ ou ma co cuae ɨvɨ pe jare omee ñandeve yaicuaa vaera Tumpa añetete vae. Ñañemoiru ma Tumpa ndive. Echa ñañemoiru ma Tumpa Taɨ Jesucristo ndive. Jae co Tumpa añetete vae. Jae omee ñandeve tecove opa mbae vae.