Hechos 9:6 - Nuevo Testamento Guaraní Pe

⁶ Saulo orɨrɨi oquɨye güi. —CheYa, ¿mbae pa reipota ayapo vaera? —jei. —Epúa ecua tenta pe, jare amombeucata ndeve mbae reyapota vae —jei ñandeYa Saulo pe.

Biblia Guarani Tumpa Iñee

⁶ Saulo orɨrɨi jare okɨɨye reve jei: “CheYa, ¿mbae pa reipota ayapo?” YandeYa jei chupe: “Epüa jare eike tëta guasu pe, jare amombeuukata ndeve mbae reyapo vaerä.”

Hechos 9:6 ပူးပေါင်းရင်းမြစ်များ

San Mateo 19:30

Erei Tumpa ombotaɨcueta oñemboete vae reta, jare omotenondeta oñemomichi vae reta —jei—.

San Lucas 3:10

Jayave joco pe ñogüɨnoi vae reta oparandu Juan pe: —¿Mbae pa royapota?

Hechos 10:22

Jayave cuimbae reta jei Pedro pe: —Oime metei cuimbae Cornelio jee vae. Jae co cuimbae jupi vae. Omboete co Tumpa. Jae co cien sundaro vae juvicha opaete judío reta imiari cavi jese vae. Metei araɨgua Tumpa pe oyeócuai vae jei chupe ndereruruca vaera jenta pe, jae oyeapɨsaca vaera remombeuta chupe vae re —jei reta.

Hechos 10:32

Emondo quia Jope pe, jare eruruca Simón oñembojee Pedro pe vae. Jae oico metei guasupi omopɨta vae Simón pɨri. Simón jo oi ɨ guasu jembeɨ pe. Ou yave, imiarita ndeve —jei cheve, jei—.

Hechos 10:6

Jae oico metei guasupi omopɨta vae Simón pɨri. Simón jo oi ɨ guasu jembeɨ pe —jei.

Hechos 2:37

Cuae oendu reta yave, ipɨatɨtɨ yae reta, jare oparandu Pedro jare iru Jesús jemimondo reta pe: —Orerɨqueɨ reta, ¿mbae pa royapota?

Hechos 22:10

Jayave che aparandu: ¿Mbae pa ayapota, cheYa? Jare ñandeYa jei cheve: Epúa ecua Damasco pe, jare joco pe amombeucata ndeve opaete mbae roocuaita jese vae —jei, jei—.

Hechos 26:16

Erei epúa eñemboɨ. Che aipota reyeócuai vaera cheve, jare remombeu vaera aicuauca ndeve jare aicuaucata ndeve vae. Echa cuae jeco pegua ayecuaa ndeve —jei, jei Pablo—.

Hechos 9:5

Jayave Saulo oparandu: —¿Quia pa co nde, cheYa? Jayave ñee jei chupe: —Che co jae Jesús. Nde reyapo icavi mbae vae cheve. Nde co jae metei güeye ɨvɨra jacuarovi vae re opatara vae rami. Jae rambue reiporara rei.

Romanos 10:20

Jare Isaías jei ye oquɨye mbae reve corai: Mbaeti chereca vae reta chevae ma —jei Tumpa—. Ayecuaa mbaeti oparandu cheré vae reta pe —jei. Jocorai jei.

Romanos 10:3

Echa mbaeti oicuaa quirai Tumpa ñanembojupi. Jae rambue jecuaeño oipota tei oñembojupi. Mbaeti omaeño Tumpa re ombojupi vaera.

Romanos 5:20

Jare Tumpa oicuauca mboroócuai, mbaeyoa oyecuaa cavi vaera. Erei oyecuaa yave jeta co mbaeyoa reta, oyecuaa vi tuicha yae co Tumpa ipɨacavi.

Romanos 7:9

Tenonde yave mbaeti aicuaa mboroócuai jeigüe yave, che aico metei oicove catu vae rami. Erei aicuaa yave mboroócuai jeigüe, aicuaa vi cheyoa co mboroócuai jeigüe ayavɨ rambue, jare aicuaa vi amanota co.

Filipenses 2:12

Che poaɨu co. Pe ndive aico rambueve, jecuaeño peyapo che jae peve peyapo vaera vae. Jare yepe tei añave mbaeti ma ai pe ndive, erei jecuaeño peñemoatangatu yae peñemboasa re peipoɨu reve Tumpa güi jare pemboete reve.

Santiago 4:6

Erei Espíritu Santo omee ñandeve jeta yae ipɨacavi. Echa Tumpa iñee pe oyecuatía oi corai: Tumpa oyovaicho oñemboete vae reta ndive. Erei omee ipɨacavi oñemomichi vae reta pe. Jocorai oyecuatía oi.