Hechos 25:4 - Nuevo Testamento Guaraní Pe

⁴ Erei Festo jei chupe reta: —Ore roñangareco roi Pablo re Cesarea pe, jare che ajaata joco pe curi.

Biblia Guarani Tumpa Iñee

⁴ Ërei Festo jei chupe reta oime ko Pablo oyepɨɨ oï Cesarea pe vae jare jae ojo yeta ko ɨmambaeño joko pe.

Hechos 25:4 ပူးပေါင်းရင်းမြစ်များ

Hechos 24:23

Jayave Félix oyócuai cien sundaro vae juvicha oñangareco vaera Pablo re. Erei oyócuai vi omaeño vaera oicoiño, jare agüɨye vaera oyopia jentara reta, ou yave ipɨri oyeócuai chupe vaera.

Hechos 24:27

Erei mócoi año ma oasa yave, Porcio Festo ou oipoepɨ Félix. Jare Félix oipota omboyerovia judío reta rambue, oeya Pablo tembipɨɨrɨru pe.

Hechos 25:1

Festo ou ovae yave jocuae ɨvɨ pe, mboapɨ ara ma oasa yave, ojo Cesarea güi Jerusalén pe.

Hechos 25:13

Jare mbovɨ ara ma oasa yave, mburuvicha guasu Agripa jare jeindɨ Berenice yogüeru Cesarea pe, oyapo vaera maraetei Festo pe.

Hechos 25:16

Erei che jae chupe reta: Mbaeti romano reta jeco omoeterenga vaera quia, ndei omboeco vae reta yogüeru oñeapo jese mbove, jare ndei oyeepɨ omboeco vae reta güi mbove —jae chupe reta, jei—.

Hechos 25:5

Pepuere yave, pecua cherupíe. Jare oyapo yave teco icavi mbae vae jocuae cuimbae, peñeapo jese —jei chupe reta.

Hechos 25:6

Jayave Festo opɨta güire joco pe güɨramoi ocho ani diez ara, ou ye Cesarea pe. Jayave pɨareve pe oguapɨ oporojaaa pe, jare güeruruca Pablo.

Hechos 8:40

Jare Felipe oyecuaa tenta Azoto pe. Jare joco güi ojo tenta Cesarea pe. Jare ojo rambueve, omombeu ñee icavi vae opaete tenta reta rupi.