Hechos 25:1 - Nuevo Testamento Guaraní Pe

¹ Festo ou ovae yave jocuae ɨvɨ pe, mboapɨ ara ma oasa yave, ojo Cesarea güi Jerusalén pe.

Biblia Guarani Tumpa Iñee

¹ Festo ou oväe jókuae ɨvɨ pe, jare mboapɨ araa pe ojo Cesarea güi Jerusalén pe.

Hechos 25:1 ပူးပေါင်းရင်းမြစ်များ

Hechos 18:22

Jare ojo ovae yave Cesarea pe, ojo oyapo maraetei oporogüɨrovia vae reta pe. Jayave ojo joco güi Antioquía pe.

Hechos 21:15

Jare jocuae ara reta oasa yave, royupavo rojo Jerusalén cotɨ.

Hechos 23:34

Jare opa omongueta yave tupapire, mburuvicha guasu oparandu Pablo pe quia tenta pegua ra jae. Jare oicuaa yave Cilicia pegua co,

Hechos 24:27

Erei mócoi año ma oasa yave, Porcio Festo ou oipoepɨ Félix. Jare Félix oipota omboyerovia judío reta rambue, oeya Pablo tembipɨɨrɨru pe.

Hechos 25:13

Jare mbovɨ ara ma oasa yave, mburuvicha guasu Agripa jare jeindɨ Berenice yogüeru Cesarea pe, oyapo vaera maraetei Festo pe.

Hechos 25:4

Erei Festo jei chupe reta: —Ore roñangareco roi Pablo re Cesarea pe, jare che ajaata joco pe curi.

Hechos 25:5

Pepuere yave, pecua cherupíe. Jare oyapo yave teco icavi mbae vae jocuae cuimbae, peñeapo jese —jei chupe reta.

Hechos 25:6

Jayave Festo opɨta güire joco pe güɨramoi ocho ani diez ara, ou ye Cesarea pe. Jayave pɨareve pe oguapɨ oporojaaa pe, jare güeruruca Pablo.

Hechos 8:40

Jare Felipe oyecuaa tenta Azoto pe. Jare joco güi ojo tenta Cesarea pe. Jare ojo rambueve, omombeu ñee icavi vae opaete tenta reta rupi.