Hechos 24:22 - Nuevo Testamento Guaraní Pe

²² Jare Félix cuae oendu yave, oyopia judío reta. Echa jae oicuaa catu Jesús re güɨrovia vae reta iporogüɨrovia regua. Jae rambue jei judío reta pe: —Sundaro reta juvicha Lisias ou yave, ajaata cuae pemombeu cheve vae re.

Biblia Guarani Tumpa Iñee

²² Jare Félix kuae oendu yave oeya räri. Echa jae oikuaa kavi ma jókuae Tape pɨau regua ramo, jei judío reta pe: —Lisias sundaro jeta vae juvicha ou yave, aikuaa kavita kuae pemombeu cheve vae re.

Hechos 24:22 ပူးပေါင်းရင်းမြစ်များ

San Mateo 2:7

Jayave Herodes oeniuca vɨari jocuae yasɨtata reta re oñemboe vae reta, jare oparandu chupe reta quirai yave ra oyecuaa jocuae yasɨtata.

Hechos 18:20

Jare judío reta omoñera yave opɨta vaera joco pe, mbaeti oipota.

Hechos 19:40

Echa güɨramoi mburuvicha reta ñanemboecota yayapo vae re. Oñemongueta teita yaipota ñañoraro jae reta ndive. Echa mbaetita yaicuaa mbae ra yaeta chupe reta, jae reta oparandu ñandeve yave maera ra yayapo cuae tecorai —jei.

Hechos 24:10

Jayave mburuvicha guasu opovee Pablo re imiari vaera. Jayave Pablo jei: —Che aicuaa catu co nde ɨma yae ma rejaa cuae cherenta pegua reta. Jae rambue ayerovia reve chemiarita ayeepɨ vaera —jei—.

Hechos 24:14

Erei cuae amombeu ndeve. Che aico Jesús re arovia reve, jare jocorai ayeócuai chetenondegua reta iTumpa pe, yepe tei judío reta jei aico metei moromboe mbaeti añete vae re. Echa che arovia opaete mboroócuai pe oyecuatía oi vae, jare Tumpa iñee aracae omombeu vae reta oicuatiagüe —jei—.

Hechos 24:24

Mbovɨ ara rupi Félix ou jembireco Drusila jee vae ndive. Drusila co jae metei judía. Jayave Félix oeni Pablo, jare oyeapɨsaca quirai yaroviata co Jesucristo re vae re.

Hechos 24:6

Jae oipota vi oyapo jupi mbae vae Tumpa jo pe. Erei ore roipɨɨ, jare rojaata tei oreporoócuai pe oyecuatía oi vae rupi.

Hechos 25:26

Erei mbaeti aicuaa mbae ra aicuatiata cheruvicha pe. Jae rambue aruruca peróvai, jare nderóvai etei, mburuvicha guasu Agripa, aicuaa vaera mbae ra aicuatiata, opa ñaparandu chupe yave —jei chupe reta—.

Hechos 26:3

Echa nde reicuaa catu opaete judío reta jeco jare iyoaca. Jae rambue romoñera reyeapɨsaca vaera cheré ndepɨaguasu reve —jei—.

Hechos 9:2

Jare oyerure sacerdote tenondegua pe omee vaera chupe tupapire, ipuere vaera ojo judío reta itupao tenta Damasco pegua reta pe, jare ovae yave joco pe cuimbae reta jare cuña reta Jesús re güɨrovia vae, ipuere vaera oipɨɨ güeru Jerusalén pe.