Hechos 2:7 - Nuevo Testamento Guaraní Pe

⁷ Ipɨacañɨ reve jei reta: —¡Mase! Galilea pegua reta co opaete cuae imiari vae reta.

Biblia Guarani Tumpa Iñee

⁷ Ipɨakañɨ yae reve jei reta: —¡Mase! ¿Galileaɨgua retaä pa ko opaete kuae imiari ñogüɨnoi vae reta?

Hechos 2:7 ပူးပေါင်းရင်းမြစ်များ

San Mateo 21:11

Jare jeta vae jei: —Cuae co jae Jesús. Jae co metei Tumpa iñee omombeu vae Nazaret pegua. Nazaret Galilea pegua co —jei reta.

San Mateo 26:73

Jare ɨma mi yave joco pe ñogüɨnoi vae reta yogüeru jei Pedro pe: —Añete co, nde co jae metei Jesús iñeiru. Echa nde nemiari Jesús iñeiru reta imiari rami —jei reta.

San Mateo 8:10

Jare Jesús cuae oendu yave, ipɨacañɨ cien sundaro vae juvicha re, jare jei yogüɨraja jaɨcue vae reta pe: —Añete che jae peve, mbaeti avae cuae nunga mborogüɨrovia tuicha vae Israel pegua reta ipɨte pe.

San Marcos 1:27

Jare opaete oecha vae reta ipɨacañɨ, jare oparandu oyoupe: —¿Mbae pa co cuae? ¡Moromboe ipɨau vae ndipo! Mbaepuere pe oyócuai aña reta yogüɨraja vaera oya jese vae reta güi, jare jae reta oyapo oyocuaigüe —jei reta.

San Marcos 2:12

Jayave cuimbae opúa, jare ovoɨ jupa, jare oe ojo opaete joco pe ñogüɨnoi vae reta jovaque. Opareve ipɨacañɨ yae, jare omboete Tumpa. —Mbaeti ete yaecha yepi cuae nunga —jei reta.

San Juan 7:52

Iru reta jei chupe: —¿Nde vi ra Galilea pegua? Reeca yave, reicuaata mbaeti co metei ave Tumpa iñee omombeu vae Galilea pegua —jei reta.

Hechos 1:11

Cuae reta jei chupe reta: —Cuimbae Galilea pegua reta, ¿maera pa peñemboɨ pemae pei ara re? Jesús ojo ma pegüi ara pe. Erei jae etei ou yeta jocoraiño, peecha ojo rami —jei reta.

Hechos 2:12

Jare opaete yatɨ vae reta ipɨacañɨ jare jei oyoupe: —¿Mbae ra co cuae?

Hechos 2:8

¿Quirai ra ñaendu imiari ñaneñee ñanemichi güive ñanemiari pɨpe vae pe? —jei reta—.

Hechos 3:10

Oicuaa reta jae co oguapɨse Tumpa jo jonque ipora yae vae pe oyerure corepoti re vae. Jare ipɨacañɨ reta. Oquɨye reta vi cuae oyeapo cuimbae pe vae re.