Hechos 19:33 - Nuevo Testamento Guaraní Pe

³³ Jayave judío reta omoaña jenonde Alejandro jee vae yatɨ vae reta ipɨte güi, iñee omoe vaera. Jayave Alejandro omopúa ipo omoquirii vaera tei. Echa oipota tei imiari tenta pegua reta pe, agüɨye vaera jae reta omboeco judío reta.

Biblia Guarani Tumpa Iñee

³³ Jayave judío reta omoaña omondo tenonde Alejandro jee vae yatɨ vae reta ipɨte güi, iñee omoë vaerä. Jayave Alejandro omopüa ipo omokïrii vaerä tëi. Echa oipota tëi imiari tëta guasu pegua reta pe, agüɨye vaerä jae reta omboeko judío reta.

Hechos 19:33 ပူးပေါင်းရင်းမြစ်များ

San Lucas 1:22

Jare Zacarías oe yave, mbaeti ipuere omoe iñee chupe reta. Jae rambue jae reta oicuaa Zacarías oecha mbae Tumpa jo pe oi rambueve. Echa jae omopúa iyɨva icotɨ reta. Erei mbaeti etei mbae ipuere jei chupe reta.

Hechos 12:17

Erei Pedro omopúa ipo omoquirii reta vaera, jare omombeu chupe reta quirai ñandeYa güɨnoe tembipɨɨrɨru güi. Jare jei chupe reta: —Peicuauca cuae Jacobo jare iru oporogüɨrovia vae reta pe. Jayave oe ojo ambué cotɨ.

Hechos 13:16

Jayave Pablo opúa, jare omopúa ipo omoquirii reta vaera. Jayave jei chupe reta: —Cuimbae Israel pegua reta, pe reta pemboete co Tumpa. Peyeapɨsaca cheré.

Hechos 19:34

Erei yatɨ vae reta oicuaa yave jae co judío, opaete metei rami mócoi ora seri iñeeata reve jei: —Oñemboete yae co Diana Efeso pegua.

Hechos 21:40

Jayave sundaro reta juvicha jei Pablo pe imiari vaera. Jayave Pablo oñemboɨ oyeupi oia pe, jare omopúa ipo tenta pegua reta cotɨ. Jare opaete vae quirii yave, Pablo imiari chupe reta hebreo iñee pe. Jei chupe reta:

Hechos 24:10

Jayave mburuvicha guasu opovee Pablo re imiari vaera. Jayave Pablo jei: —Che aicuaa catu co nde ɨma yae ma rejaa cuae cherenta pegua reta. Jae rambue ayerovia reve chemiarita ayeepɨ vaera —jei—.

Filipenses 1:7

Icavi co añemongueta vaera corai peré. Echa poaɨu yae. Tembipɨɨrɨru pe ai rambueve, jare aicuauca yave iru vae reta pe ñee icavi vae Tumpa pegua co jare añete vae co, Tumpa jecuaeño omee cheve ipɨacavi. Jare mbɨacavi omee cheve vae omee peve vi.

1 Timoteo 1:20

Corai oasa Himeneo jare Alejandro. Jae rambue mbaeti amaeño jese reta oñemoiru vaera iru oporogüɨrovia vae reta ndive. Cuae jeco pegua ngaraa ndipo jei reta icavi mbae vae Tumpa cotɨ.

2 Timoteo 4:14

Alejandro mbaembae jiero pegua oyapo vae oyapo jeta icavi mbae vae cheve. ÑandeYa tomboepɨ chupe oyapo vae.