Hechos 17:15 - Nuevo Testamento Guaraní Pe

¹⁵ Jare Pablo jupíe yogüɨraja vae reta güɨraja tenta Atenas pe. Jayave Pablo oyócuai jae reta omombeu vaera Silas jare Timoteo pe yogüeru vaera icotɨ ɨmambae, ipuere yave. Jayave jae reta yogüeru ye Berea cotɨ.

Biblia Guarani Tumpa Iñee

¹⁵ Jare Pablo güɨraja vae reta güɨraja tëta guasu Atenas pe. Pablo oyókuai jae reta omombeu vaerä Silas jare Timoteo pe yogüeru vaerä ikotɨ ɨmambaeño. Jayave jae reta yogüeru ye Berea kotɨ.

Hechos 17:15 ပူးပေါင်းရင်းမြစ်များ

Hechos 15:3

Jayave iru oporogüɨrovia vae reta omondo ma yave, jae reta oasa Fenicia jare Samaria rupi jare omombeu joco pegua reta quirai judío mbae vae reta oyerova Tumpa cotɨ. Jare omboyerovia yae oporogüɨrovia vae reta.

Hechos 17:14

Jayave oporogüɨrovia vae reta omondo Pablo ɨ guasu cotɨ. Erei Silas jare Timoteo opɨta Berea pe.

Hechos 17:16

Jare Pablo oaro oi rambueve Atenas pe, oecha yave jeta tumpa-raanga reta ñogüɨnoi tenta rupi, pochɨ.

Hechos 17:21

Echa opaete Atenas pegua reta jare quiotɨ güi yogüeru yogüɨreco joco pe vae reta oñemoembiapo imiari jare oyeapɨsaca mbae ipɨau vae re.

Hechos 17:22

Jayave Pablo oñemboɨ Areópago mbɨte pe, jare jei chupe reta: —Cuimbae Atenas pegua reta, aecha ma pe reta pemboete yae co tumpa reta.

Hechos 18:1

Cuae jaɨcue rupi Pablo ojo Atenas güi tenta Corinto pe.

Hechos 18:5

Jare Silas jare Timoteo yogüeru ovae yave Macedonia güi, Pablo oñemoembiapo yae omombeu Tumpa iñee. Omombeu judío reta pe Jesús co jae Cristo.

1 Tesalonicenses 3:1

Jare orequɨreɨ yae tei rojo pepɨri rambue, roñomomiari ropɨta vaera oreño Atenas pe,

Tito 3:12

Amondo yave ndepɨri Artemas ani Tíquico, eñemoatangatu reyu vaera chepɨri Nicópolis pe. Echa chequɨreɨ apɨta joco pe iroɨ iara oasa regua.