Hechos 12:11 - Nuevo Testamento Guaraní Pe

¹¹ Jayave ramo Pedro oicuaa cuae oyeapo vae añete co, jare jei iyeupe: —Añave aicuaa cheYa co ombou araɨgua jare cherepɨuca Herodes güi jare opaete judío reta oipota oyapo cheve vae güi.

Biblia Guarani Tumpa Iñee

¹¹ Jayave ramo Pedro oikuaa kuae oyeapo vae añete yepe, jare jei iyeupe: “Añave aikuaa cheYa ko ombou iaraɨgua chereroasayepe Herodes güi jare opaete judío reta oipota oyapo cheve vae güi.”

Hechos 12:11 ပူးပေါင်းရင်းမြစ်များ

San Lucas 15:17

Jare cuimbae oicuaa ma quirai oyapo mbaeti iyaracuaa vae oyapo rami. Jayave jei iyeupe ipɨa pe: Cheru omombaravɨquɨ vae reta jeta yae güɨnoi jou vaera. Erei che amanota ai ñɨmbɨaɨ güi —jei, jei—.

Hechos 12:7

Jare güɨramoiño metei araɨgua ñandeYa pe oyeócuai vae oyecuaa, jare metei tembipe oesape tembipɨɨrɨru pe. Jayave araɨgua oñatai Pedro iyɨque pe omoingove vaera, jare jei chupe: —Epúa voi. Jare cadena reta oyera ipoapɨ güi.

Hechos 24:27

Erei mócoi año ma oasa yave, Porcio Festo ou oipoepɨ Félix. Jare Félix oipota omboyerovia judío reta rambue, oeya Pablo tembipɨɨrɨru pe.

Hechos 25:9

Erei Festo oipota omboyerovia judío reta. Jae rambue oparandu Pablo pe: —¿Reipota pa reo Jerusalén pe, che rojaa vaera joco pe cuae teco reta re?

Hechos 5:19

Erei metei araɨgua ñandeYa pe oyeócuai vae oipea tembipɨɨrɨru jonque reta. Jayave güɨraja Pedro jare Juan icatu pe, jare jei chupe reta:

Hebreos 1:14

Echa araɨgua reta oyeócuai Tumpa pe, jare Tumpa ombou araɨgua reta omborɨ vaera oñemboasaucata vae reta.

2 Pedro 2:9

Jae ramiño vi ñandeYa oicuaa quirai oepɨ vaera jeigüe oyapo vae reta mbaesusere reta güi jare quirai oiporarauca vaera jupi mbae vae oyapo vae reta pe ara jae ojaa reta vaera vae ou ovae regua.