Hebreos 9:17 - Nuevo Testamento Guaraní Pe

¹⁷ Echa cuimbae omano yave ramo jae reta ipuere güɨnoi jocuae mbaembae. Ngaraa ipuere güɨnoi mbaembae morogüɨrocuavee oyapo vae oicove oico rambueve.

Biblia Guarani Tumpa Iñee

¹⁷ Echa kuimbae omano yave ramo jae reta ipuere güɨnoi imbaerä jókuae mbaembae. Ërei mbaetɨta omboresive iyarä vae, mbaembae iya oikoveño ramboeve.

Hebreos 9:17 ပူးပေါင်းရင်းမြစ်များ

San Juan 14:27

Mbɨacatu aeya pe ndive. Mbɨacatu che anoi vae amee peve. Ɨvɨ pegua reta mbaeti ipuere omee peve che amee peve vae nunga mbɨacatu. Agüɨye pepɨatɨtɨ. Agüɨye pequɨye —jei—.

Gálatas 3:15

Cherɨvɨ reta, tachemiari peve cuae ɨvɨ pe mbae oyeapo vae re. Ɨvɨ pegua reta metei morogüɨrocuavee oyapo yave oyoupe, yepe tei ɨvɨ pegua retaño co, ngaraa quia ipuere omboai, jare ngaraa quia ipuere mbae omoiru jae ndive.

Hebreos 9:16

Cuimbae güɨrocuavee yave omee vaera mbaembae iru vae reta pe jae omano güire, jae reta ngaraa ipuere güɨnoi jocuae mbaembae ndei iya omano mbove.

Hebreos 9:18

Jae rambue Moisés oiporu tugüɨ morogüɨrocuavee tenondegua vae oyeapo vaera.