Hebreos 4:9 - Nuevo Testamento Guaraní Pe

⁹ Jae rambue oime vɨteri mbutuu Tumpa omeeta imbae reta pe vae.

Biblia Guarani Tumpa Iñee

⁹ Jáeramo, oimeño vɨteri ko mbutuu Tumpa imbae vae reta peguarä.

Hebreos 4:9 ပူးပေါင်းရင်းမြစ်များ

San Mateo 1:21

Jare imembɨta metei cuimbae jare rembojeeta Jesús. Echa jae omboasata jenta pegua reta. Echa omboaita imbaeyoa reta —jei.

Tito 2:14

Echa jae oñemoeterenga omano vaera ñanderé, jae ñanderepɨ vaera opaete icavi mbae vae güi, jare oyoe vaera ñandepɨa ñanembaeyoa reta güi, ñande yayeapo vaera imbae retara, ñande yaipota yae vaera yayapo icavi vae.

Hebreos 11:25

Ipuere tei oyapo mbaeyoa oñemboyerovia vaera michi pegua. Erei oipota yae jocuae güi oiporara Tumpa imbae reta ndive.

Hebreos 3:11

Jae rambue chearasɨ chupe reta rambue, che jae corai: Añete co, jae reta ngaraa oique Canaán pe. Echa joco pe oputuuta tei co. Jocorai che jae. Jocorai jei Espíritu Santo.

Hebreos 4:1

Jae rambue pequɨye. Echa güɨramoi amogüe pe reta ngaraa peupitɨ penoi vaera jocuae mbutuu Cristo ipuere omee peve vae. Tumpa etei güɨrocuavee omee vaera ñandeve cuae mbutuu.

Hebreos 4:10

Tumpa oputuu opa iparavɨquɨ oyapo yave. Jae ramiño vi ñande ñanoi yave jocuae mbutuu Tumpa omee ñandeve vae, mbaeti ma yaparavɨquɨ ñemboasa ñanoi vaera.

Hebreos 4:3

Jare ñande yarovia Tumpa vae yaupitɨ jocuae mbutuu Cristo omee ñandeve vae. Echa Tumpa jei corai: Chearasɨ yae chupe reta. Añete co, jae reta ngaraa oique Canaán pe. Echa joco pe oputuuta tei co. Jocorai jei Tumpa. Echa Tumpa iñee pe oyecuatía oi corai: Tumpa opa iparavɨquɨ oyapo seis ara pe. Jayave jocuae jaɨcue rupi oputuu metei ara. Jocorai oyecuatía oi. Erei yepe tei opa iparavɨquɨ oyapo cuae ɨvɨ oyeapo ma yave, erei oyecuatía oi Tumpa iñee pe quirai Tumpa jei corai: Jae reta ngaraa oique Canaán pe. Echa joco pe oputuuta tei co. Jocorai jei Tumpa.

Hebreos 4:8

Josué mbaeti omee jocuae mbutuu ñanetenondegua reta pe. Echa omee chupe reta yave mona, mbaetita tei Tumpa imiari taɨcue rupi iru ara re.

1 Pedro 2:10

Tenonde yave pe reta mbaeti co Tumpa jentara reta. Erei peyeapo ma Tumpa jentara retara. Tenonde yave Tumpa mbaeti peparareco. Erei añave peparareco.

Apocalipsis 14:13

Jare aendu metei ñee ara güi jei cheve: —Eicuatía corai: Oyeroviata co cuae güive ñandeYa re güɨrovia reve omanota vae reta. —Oyeroviata co —jei Espíritu Santo—. Echa oputuu retata iparavɨquɨ güi. Jare Tumpa oicuaucata jae reta oyapogüe vae —jei.

Apocalipsis 21:4

Jare Tumpa oyoeta opaete jesaɨ reta. Ngaraa ye quia omano. Ngaraa ye quia ipɨatɨtɨ. Ngaraa ye quia oyaeo. Ngaraa ye mbae jasɨ quia pe. Echa mbaembae tenondegua vae reta mbaeti ma —jei.