Hebreos 3:10 - Nuevo Testamento Guaraní Pe

¹⁰ Jae rambue chearasɨ petenondegua reta pe, jare che jae corai: Jecuaeño opia reta chegüi ipɨa pe. Mbaeti etei oipota reta oyapo che aipota tei oyapo vaera vae. Jocorai che jae.

Biblia Guarani Tumpa Iñee

¹⁰ Jókuae jeko pegua chearasɨ aiko kuae ñemuña reta kotɨ, jare jae: ‘Kuae tëta ipɨa güɨrave avei, ¡jare mbaetɨ oikuaa reta cheporookuai!’

Hebreos 3:10 ပူးပေါင်းရင်းမြစ်များ

San Mateo 20:24

Jare iru diez Jesús jemimboe reta cuae oendu, jare pochɨ reta Jacobo jare Juan pe.

San Marcos 3:5

Pochɨ reve Jesús omae iyɨpɨ rupi ñogüɨnoi vae reta re, jare ipɨatɨtɨ yae jae reta ipɨatanta rambue. —Eupi ndepo —jei cuimbae pe. Jayave cuimbae oupi, jare ipo ocuera cavi ma.

San Juan 8:45

Erei pe reta mbaeti chererovia, añete vae amombeu peve rambue —jei—.

Romanos 1:28

Jare mbaeti oipota reta oicuaa Tumpa rambue, Tumpa omaeño jese reta oñemongueta vaera opaete mbae icavi mbae vae re, jae reta oyapo vaera opaete mbae icavi mbae vae.

Romanos 3:7

Jare jei reta ye corai: “Cheapu yave, iru vae reta omboete yaeta Tumpa. Echa oicuaata añete vae Tumpa jei vae icavi yae co. Jae rambue Tumpa agüɨyeta tei chemboeco cheapu re.

Efesios 4:30

Jare agüɨye pembopɨatɨtɨ Tumpa iEspíritu Santo. Echa Tumpa omee ma peve Espíritu Santo, oicuauca vaera pe reta jae imbae co. Jare Espíritu Santo oicota pe reta ndive, Tumpa perepɨ ete regua.

Hebreos 3:12

Jae rambue, cherɨvɨ reta, peñeandu, agüɨye vaera pepɨa oñemotanta mbaeti perovia Tumpa rambue. Echa pepɨa oñemotanta yave, peopiata Tumpa jecuaeño oico vae güi.