Hebreos 10:4 - Nuevo Testamento Guaraní Pe

⁴ Echa toro jugüɨ jare cavara jugüɨ mbaeti etei ipuere omocañɨ ete mbaeyoa reta.

Biblia Guarani Tumpa Iñee

⁴ echa toro reta jugüɨ jare kavara reta jugüɨ mbaetɨ etei ipuere omboi mbaeyoa reta.

Hebreos 10:4 ပူးပေါင်းရင်းမြစ်များ

San Marcos 12:33

Jare yaaɨu yave Tumpa opaete ñandepɨa reve, opaete ñanderecove reve, opaete ñaneñemongueta reve, jare opaete ñandepoaca reve, jare yaaɨu yave iru vae ñande yayeaɨu rami, jocuae icavi opaete mbota Tumpa peguara yaapɨ vae reta jare mbota Tumpa peguara yayuca vae reta güi —jei.

San Juan 1:29

Pɨareve pe Juan oecha Jesús ou icotɨ jare jei: —Mase, pee oi Tumpa ombou vae. Jae co vecha rami. Ou güɨraja vaera opaete ɨvɨ pegua reta imbaeyoa —jei—.

Romanos 11:27

ÑandeYa jei: Echa corai ayapota arocuavee chupe reta vae, amboai yave imbaeyoa reta. Jocorai oyecuatía oi.

Hebreos 10:1

Mboroócuai michiño oicuauca icavi vae Tumpa oyapota vae. Mbaeti oicuauca cavi. Echa maemɨmba oyeyucagüe reta oñererocuavee Tumpa pe año ñavo. Erei jocuae nunga mbaeti etei ipuere opa omboai jocorai oya Tumpa re vae reta imbaeyoa reta.

Hebreos 10:11

Jocuae ɨvɨ pegua sacerdote reta oñemboɨ Tumpa jo pe ara ñavo oyeócuai vaera Tumpa pe. Jeta vese jae reta güɨrocuavee Tumpa pe maemɨmba oyeyucagüe reta. Ara ñavo jocuaecuaeño oyapo reta. Erei jocuae nunga mbaeti etei ipuere omboai mbaeyoa reta.

Hebreos 10:8

Cristo jei tenonde voi corai: Mbaeti reipota jocuae maemɨmba oyeyucagüe oñererocuavee vae reta. Maemɨmba oyeyucagüe reta ócai oñererocuavee vaera ndeve. Erei jocuae reta mbaeti nemboyerovia. Jae ramiño vi maemɨmba oyeyucagüe mbaeyoa reta re oñererocuavee vae reta mbaeti nemboyerovia. Jocorai jei, yepe tei jocuae nunga oñererocuavee Tumpa pe mboroócuai rupi.

Hebreos 9:9

Echa jocuae cuarto tenondegua vae metei jaangaño mbaeti jecuaeño ondura vae co. Joco pe sacerdote reta güɨrocuavee Tumpa pe mbota reta jare maemɨmba oyeyucagüe reta. Erei jocuae mbaeti ipuere opa omboai jocorai omboete Tumpa vae imbaeyoa reta. Jare sacerdote reta etei oicuaa mbaeti co oñemboai imbaeyoa reta.

1 Juan 3:5

Jare peicuaa quirai Jesucristo oyeapo cuimbaera omboai vaera ñanembaeyoa reta. Jare jae mbaeti etei iyoa.