Efesios 6:17 - Nuevo Testamento Guaraní Pe

¹⁷ Jare jecuaeño pemaendúa yave quirai Tumpa pemboasa ma co, icavita peve aca regua jiero pegua icavi sundaro pe rami. Jare peiporu yave Tumpa iñee Espíritu Santo imbaepuere rupi, icavita peve metei quɨsepucu icavi sundaro pe rami.

Biblia Guarani Tumpa Iñee

¹⁷ Peñono peäka re äka-ɨru jiero pegua yemboasa pegua, jare peiporu Tumpa iñee, jae ko kɨsepuku Espíritu pegua.

Efesios 6:17 ပူးပေါင်းရင်းမြစ်များ

San Mateo 4:4

Erei Jesús jei chupe: —Tumpa iñee pe oyecuatía oi corai: Icavi co ɨvɨ pegua reta jou vaera mbɨyape güɨnoi vaera tecove. Erei icavi yae co oyeapɨsaca vaera Tumpa iñee re jare oyapo vaera jeigüe güɨnoi vaera tecove opa mbae vae. Jocorai oyecuatía oi —jei.

San Mateo 4:7

Jayave Jesús jei chupe: —Tumpa iñee pe oyecuatía oi corai: Che co jae ndeYa Tumpa. Agüɨye mbae eyapo reicuaa vaera tuicha ra chepɨaguasu. Jocorai oyecuatía oi —jei.

Efesios 5:26

oñono tee vaera iyeupeguara, jare oitɨo vaera. Echa iñee ñandetɨo, mbae yayoe ɨ pe rami.

1 Tesalonicenses 5:8

Erei ñande yaico cuaraɨ oesape yave yogüɨreco vae rami. Jae rambue ñañeandu. Yarovia jare yaaɨu Tumpa. Echa corai yave, jae co metei camisa jiero pegua oñoraro vae omonde vae rami. Ñaaro vi yayerovia reve ñañemboasauca ete vaera. Echa corai yave, jae co metei aca regua jiero pegua oñoraro vae oñono vae rami.

Hebreos 4:12

Echa Tumpa iñee güɨnoi mbaepuere omee vaera ñandeve tecove opa mbae vae. Metei quɨsepucu jaimbeyoyavi vae ipuere ñanembopere yae. Ipuere oyasɨa ñandesoo jare ñanecagüe reta yepe. Erei Tumpa iñee imbaepuere tuicha yae quɨsepucu imbaepuere güi. Echa Tumpa iñee oique ñandepɨa pe etei jare oicuauca ñandeve mbae ñaneremimbota regua jare mbae Espíritu Santo regua. Tumpa iñee ipuere oicuauca ñandeve ñaneñemongueta etei, icavi ra ani mbaeti ra icavi.

Apocalipsis 1:16

Jae güɨnoi siete yasɨtata reta ipo iyacatu pe, jare iyuru güi oe metei quɨsepucu jaimbeyoyavi vae. Jova oesape yae cuaraɨ ara mbɨte yave oesape rami.

Apocalipsis 12:11

Jare ñanderɨvɨ reta omoamɨri Satanás Vecha-raɨ jugüɨ rupi jare Tumpa iñee iru vae reta pe omombeu vae rupi. Oicuaa reta omanota co, erei mbaeti oquɨye omano vaera —jei—.

Apocalipsis 19:15

Jare ñandeYa iyuru güi oe metei quɨsepucu jaimbe vae. Pɨpe oyucata jeta ɨvɨ pegua reta. Jare oporocuaita ipopoca jiero pegua vae pe. Oiporarauca yaeta opaete jovaicho reta pe. Echa Tumpa opaete mbaepuere güɨnoi vae pochɨ yae chupe reta.

Apocalipsis 2:16

“Jae rambue peeya peñemongueta icavi mbae vae pepɨa pe oi vae. Mbaeti yave, ajata pepɨri ɨmambae jare añorarota jae reta ndive. Aiporuta jese reta quɨsepucu cheyuru güi oe vae.