Efesios 5:28 - Nuevo Testamento Guaraní Pe

²⁸ Cuimbae reta toaɨu jembireco, jete ae oaɨu rami. Cuimbae jare jembireco meteiño co. Jae rambue jocuae oaɨu jembireco vae jae ae co oyeaɨu.

Biblia Guarani Tumpa Iñee

²⁸ Jökoraiño vi kuimbae reta toaɨu jembireko, jae reta oyeaɨu rami. Jembireko oaɨu vae, jae etei oyeaɨu.

Efesios 5:28 ပူးပေါင်းရင်းမြစ်များ

San Mateo 19:5

Jare Tumpa jei corai: Jae rambue cuimbae oeyata tu jare ichɨ, jare ojota oico vaera jembireco ndive. Jare mócoi vae oyeapota metei ramiño. Jocorai jei Tumpa —jei—.

Efesios 5:25

Cuimbae reta toaɨu jembireco, Cristo oaɨu oporogüɨrovia vae reta rami. Echa jae oñemoeterenga omano vaera jese reta,

Efesios 5:29

Echa mbaeti etei quia omotareɨ jete ae. Opaete vae omongaru jete ae, jare oñangareco jese. Jae ramiño vi Cristo oñangareco oporogüɨrovia vae reta re.

Efesios 5:31

Cuae jeco pegua metei cuimbae toeya tu jare ichɨ, jare toñemoiru jembireco ndive, mócoi reve oyeapo vaera metei ramiño.

Efesios 5:33

Erei metei ñavo toaɨu jembireco, jae ae oyeaɨu rami. Jare cuña tomboete ime.

1 Pedro 3:7

Jae ramiño vi cuimbae reta toyogüɨreco cavi jembireco ae ndive. Toñangareco cavi jese jare tomboete. Timaendúa quirai cuimbae ipɨrata yae cuña güi. Echa Tumpa oyapo cuimbae jare jembireco metei ramiño jare omee mócoi reve pe yogüɨreco vaera ipɨacavi rupi. Cuimbae reta jocorai yogüɨreco yave, Tumpa oyeapɨsacata iyerure reta re.