2 Timoteo 2:13 - Nuevo Testamento Guaraní Pe

¹³ Yepe tei mbaeti yarovia, jae jecuaeño oyapo jeigüe. Echa jae jei yave mbae oyapota, oyapota co.

Biblia Guarani Tumpa Iñee

¹³ Mbaetɨ yave jupi kavi yaiko, jae iñee ombopo avei. Jae mbaetɨ iyapu.”

2 Timoteo 2:13 ပူးပေါင်းရင်းမြစ်များ

San Mateo 24:35

Ara jare ɨvɨ opata, erei cheñee ngaraa opa —jei—.

Romanos 3:3

Añete co, güɨramoi amogüe vae mbaeti güɨrovia. Erei yepe tei jae reta mbaeti güɨrovia, erei cuae mbaeti oipota jei Tumpa ngaraa oyapo güɨrocuavee vae.

Romanos 9:6

Cuae mbaeti oipota jei Tumpa mbaeti oyapo jae jei oyapota vae. Echa mbaeti co opaete Israel iñemoña reta Israel pegua añetete vae reta.

1 Corintios 1:9

Tumpa jecuaeño oyapo güɨrocuavee oyapota vae. Echa jae peparavo, peico vaera Taɨ ndive. Jae co ñandeYa Jesucristo.

1 Tesalonicenses 5:24

Tumpa oyapota co cuae. Echa jae peparavo ma, jare jecuaeño oyapo jei oyapota vae.

2 Tesalonicenses 3:3

Erei jecuaeño ñandepuere yarovia catu ñandeYa. Jae pemomɨratata peporogüɨrovia re, jare omeeta peve mbaepuere agüɨye vaera peñemoamɨriuca icavi mbae vae pe.

Tito 1:2

jare oaro vaera oyerovia reve tecove opa mbae vae. Echa Tumpa mbaeti etei ipuere iyapu, jare jae güɨrocuavee ndei ɨvɨ oyeapo mbove omee vaera ñandeve tecove opa mbae vae.

Hebreos 6:18

Mócoi reve - Tumpa güɨrocuavee vae jare jei jee ae re vae - mbaeti etei oyepoepɨ, jare yaicuaa cuae mócoi reve añete co, Tumpa mbaeti etei yapu rambue. Jae rambue cuae ñanemomɨrata ñandeporogüɨrovia re. Echa ñande yayerova ñanderecove indechi vae güi jare yayerure Tumpa pe ñanderepɨ vaera. Jare ñaaro ñai yayerovia reve ñanoi vaera Tumpa güɨrocuavee omeeta ñandeve vae.