2 Tesalonicenses 2:5 - Nuevo Testamento Guaraní Pe

⁵ ¿Mbaeti pa pemaendúa quirai che ai pepɨri rambueve amombeu peve cuae mbaembae?

Biblia Guarani Tumpa Iñee

⁵ ¿Mbaetɨ pa pemaendúa, che aï pe ndive yave, kuae jae vae?

2 Tesalonicenses 2:5 ပူးပေါင်းရင်းမြစ်များ

San Mateo 16:9

¿Mbaeti pa peicuaa vɨteri? ¿Mbaeti pa pemaendúa? Cue yave apɨsae cinco mbɨyape ocaru vaera cinco mil vae. Tembíu oñepɨsaegüe pemboatɨ yave, ¿mbovɨ canasta pa pemotɨnɨe? —jei—.

San Marcos 8:18

Peresa jare peapɨsa penoi. ¿Mbaeti pa peecha jare peendu? ¿Mbaeti pa pemaendúa? —jei—.

San Juan 16:4

Erei cuae che jae ma peve, pemaendúa vaera corai amombeu peve vae re jocorai oyapo reta yave —jei—. Mbaeti amombeu peve cuae tenonde güive. Echa che aico pe ndive.

Hechos 20:31

Jae rambue peñeandu, jare pemaendúa quirai cheyaeo reve pomboaracuaa vae re. Mboapɨ año ma jocorai ayapo, ara rupi jare pɨtu rupi —jei—.

Gálatas 5:21

Yaipota iru vae reta imbaembae. Yaporoyuca. Yasavaɨpo. Yacau. Jare iru cuae nunga icavi mbae vae yayapo. Echa amombeu ma peve quirai cuae nunga icavi mbae vae jecuaeño oyapo vae reta ngaraa yogüɨreco Tumpa iporoocuaia pe. Jare añave amombeu ye peve.

1 Tesalonicenses 2:11

Oremiari peve - metei ñavo pe - metei tu imiari taɨ reta pe rami. Ore pomboaracuaa, jare pombopɨacatu. Opaete cuae peicuaa cavi.

1 Tesalonicenses 3:4

Ore roico yave pe ndive, romombeu peve yaiporarata co. Jare jocorai oyeapo ma. Cuae peicuaa co.

2 Tesalonicenses 2:6

Jare peicuaa vi quirai añave oime quia oyopia vae. Echa jae oyopia oi jocuae mbaeyoaño iparavɨquɨ vae, agüɨye vaera oyecuaa ndei iara ou mbove.

2 Tesalonicenses 3:10

Echa roico pepɨri yave, poócuai corai: Oime yave quia ñateɨ oparavɨquɨ vae, agüɨye quia tomongaru.

2 Pedro 1:15

Jecuaeño pomomaenduata cuae re, jecuaeño pemaendúa vaera jese che amano ma yave.