2 Corintios 3:10 - Nuevo Testamento Guaraní Pe

¹⁰ Echa tenonde yave Tumpa omboeteuca mboroócuai. Erei ocañɨ ma mboroócuai imaemboete. Echa cuae añave Tumpa omboeteuca ma vae jeta yae maemboete güɨnoi chugüi.

Biblia Guarani Tumpa Iñee

¹⁰ Echa tenonde yave mborookuai oyemboete yae vae, mbaeä etei ko jókuae mborookuai añave ou vae güi.

2 Corintios 3:10 ပူးပေါင်းရင်းမြစ်များ

Hechos 26:13

Jare cuaraɨ ara mbɨte yave tape rupi aja rambueve, mburuvicha guasu, aecha metei tembipe ara güi tanta yae oesape cuaraɨ güi vae. Tembipe oesape cheré jare cherupíe yogüɨraja vae reta re —jei—.

2 Corintios 3:11

Echa jocuae mboroócuai ita reta re oyecuatía vae güɨnoise maemboete, yepe tei oñemboai ma. Jae rambue jocuae jecuaeño oico vae jeta yae maemboete güɨnoi.

2 Corintios 3:9

Echa yepe tei mboroócuai jei mbaeti jeigüe oyapo vae omanota co, erei güɨnoise maemboete. Jae rambue güɨnoi ma jeta yae maemboete jocuae güi ñee oicuauca ñandeve Tumpa ñanembojupi co vae.

2 Pedro 1:17

Echa ore roi jae ndive jocuae ɨvɨtɨ jae oiparavo vae re, ñandeRu Tumpa omboeteuca yave jare oechauca oreve imaemboete. Jare ore roendu jocuae ñee ara güi ou chupe vae. Echa Tumpa etei oñemboeteuca yae vae jei corai: Cuae co jae cheRaɨ. Aaɨu yae. Ayerovia yae jese. Jocorai jei.

Apocalipsis 22:5

Jare ngaraa pɨtu joco pe. Ngaraa oipota mechero jare cuaraɨ jembipe. Echa ñandeYa Tumpa omeeta chupe reta tembipe. Jare jae reta oporoocuaita jecuaecuae aveiño.