2 Corintios 11:32 - Nuevo Testamento Guaraní Pe

³² Damasco pe ai yave, Damasco pegua reta juvicha mburuvicha guasu Aretas jee vae pe oyeócuai vae oipota tei chepɨɨ. Jae rambue oyócuai sundaro reta oaro vaera opaete Damasco itaraquera reta.

Biblia Guarani Tumpa Iñee

³² Damasco pe aï yave, mburuvicha guasu Aretas jee vae jembiokuai oipota tëi chepɨɨ. Jáeramo oyókuai sundaro reta oäro vaerä opaete tëta guasu jöke reta;

2 Corintios 11:32 ပူးပေါင်းရင်းမြစ်များ

Hechos 9:10

Jare oico Damasco pe metei oporogüɨrovia vae Ananías jee vae. ÑandeYa jei chupe ique pe: —Ananías. Jare jae jei: —CheYa, co ai.

Hechos 9:2

Jare oyerure sacerdote tenondegua pe omee vaera chupe tupapire, ipuere vaera ojo judío reta itupao tenta Damasco pegua reta pe, jare ovae yave joco pe cuimbae reta jare cuña reta Jesús re güɨrovia vae, ipuere vaera oipɨɨ güeru Jerusalén pe.

Hechos 9:8

Jayave Saulo opúa ɨvɨ güi, jare omae tei, erei mbaeti quia ipuere oecha. Jare jae jupíe yogüɨraja vae reta oipoco, jare güɨraja Damasco pe.

2 Corintios 11:26

Jeta yae aguata opaete que rupi. Ɨ osɨrɨ vae reta aasa yave, chereraja seri. Oporopiaro vae reta oaro che aguataa rupi. Cherentaɨgua reta oyovaicho che ndive. Jae ramiño vi judío mbae vae reta oyovaicho che ndive. Amano seri tenta reta pe jare ñuu pe jare ɨ guasu pe. Jare oporogüɨrovia-raanga vae reta oyovaicho che ndive.