1 Pedro 4:1 - Nuevo Testamento Guaraní Pe

¹ Cristo oiporara cuae ɨvɨ pe oico rambueve. Jae rambue peñemocatɨro peiporara vaera jae oiporara rami. Echa yaiporara yave, mbaeyoa mbaeti ma ipuere ñanderé.

Biblia Guarani Tumpa Iñee

¹ Echa Cristo oiporara kuae ɨvɨ pe yanderé. Jáeramo pe reta peïndaivi vi peiporara vaerä. Echa oiporara vae, oyembosɨrɨ ko mbaeyoa güi,

1 Pedro 4:1 ပူးပေါင်းရင်းမြစ်များ

San Marcos 3:3

Jayave Jesús jei cuimbae iporovaicho omano vae pe: —Eyu eñemboɨ cuae pe.

Romanos 6:11

Jae ramiño vi pe reta perovia quirai pemano ma mbaeyoa güi, jare peico Tumpa pe peyeócuai vaera ñandeYa Cristo Jesús rupi.

Romanos 6:7

Echa omanogüe vae mbaeti ma ipuere oyapo mbaeyoa.

Gálatas 2:20

Cristo omano curusu re yave, che amano vi jae ndive. Jae rambue mbaeti ma aicove, jaeño Cristo oicove chepɨa pe. Jare cuae ɨvɨ pe aico rambueve, aico co mborogüɨrovia Tumpa Taɨ re anoi vae re. Echa jae cheraɨu, jare oñemoeterenga omano vaera cheré.

Gálatas 5:24

Jare Cristo imbae reta omboai ma jemimbotaiño. Echa mbaeti ma oipota tenonde yave oaɨu jare oipota jemimbota reño vae.

Efesios 6:13

Jae rambue peiporu opaete Tumpa ipuere omee ñandeve vae, agüɨye vaera peñemaeño icavi mbae vae oñoraro pe ndive vae reta pe, jare peñoraro güire, jecuaeño pepɨrata vaera.

Filipenses 2:5

Peñemongueta oyocotɨ, Cristo Jesús oñemongueta rami.

Hebreos 12:3

Peñemongueta Jesús re, quirai iyoa vae reta icavi mbae vae jei yave icotɨ, jae omoaguata. Echa peñemongueta yave jese, ngaraa pecuérai jare ngaraa pepɨtu pepɨa pe.

Hebreos 4:10

Tumpa oputuu opa iparavɨquɨ oyapo yave. Jae ramiño vi ñande ñanoi yave jocuae mbutuu Tumpa omee ñandeve vae, mbaeti ma yaparavɨquɨ ñemboasa ñanoi vaera.

1 Pedro 2:21

Echa cuaera Tumpa peparavo. Echa Cristo oiporara peré, pe reta peyapo vaera jae oyapo rami.

1 Pedro 3:18

Cristo vi metei veseño oiporara ñanembaeyoa reta re. Jae co jupi vae, erei oiporara jupi mbae vae reta imbaeyoa reta re. Jare jocorai oiporara ñanembopɨacatu vaera Tumpa ndive. Erei yepe tei iru vae reta oyuca, erei Espíritu Santo omoingove ye güeru omanogüe vae reta ipɨte güi.