1 Pedro 2:6 - Nuevo Testamento Guaraní Pe

⁶ Echa Tumpa iñee pe oyecuatía oi corai: Mase —jei Tumpa—, añono Sion pe ita tenondegua vae. Che aiparavo jare aaɨu. Güɨrovia jese vae ngaraa etei jei: “Agüɨyeta tei arovia jese”. Jocorai oyecuatía oi.

Biblia Guarani Tumpa Iñee

⁶ Echa Tumpa Iñee jei vi: “Mase, ko añonota Sión pe metei ita, o ekina iguapɨka okúembae, ita oyeparavogüe, ikavi yae vae, jese güɨrovia vae ngaraa oñemomaraiuka.”

1 Pedro 2:6 ပူးပေါင်းရင်းမြစ်များ

San Mateo 12:18

Mase, jae co cherembiócuai aiparavo vae —jei Tumpa—. Aaɨu yae. Ayerovia yae jese. Ameeta chupe cheEspíritu, jare jae ojaata judío mbae vae reta.

San Marcos 12:10

¿Mbaeti pa pemongueta cuae Tumpa iñee pe oyecuatía oi vae? Ita o iyapoa reta omombo vae oyeapo ma ita tenondegua vae.

San Lucas 20:17

Jayave Jesús omae jese reta jare jei: —¿Mbae ra oipota jei cuae Tumpa iñee pe oyecuatía oi vae? Ita o iyapoa reta omombo vae oyeapo ma ita tenondegua vae.

San Lucas 23:35

Jare tenta pegua reta oñemboɨ ñogüɨnoi jocoropi omae Jesús re. Jare tenta pegua reta itenondegua joco pe ñogüɨnoi vae reta oyóyai Jesús. Jei reta: —Jae oepɨ iru vae reta. Añave toyeepɨ, jae co Cristo yave, jae co Tumpa oiparavo vae yave —jei reta.

San Juan 7:38

Cheré güɨrovia vae güi osɨrɨta jeta ɨ tecove omee vae. Jocorai Tumpa iñee pe oyecuatía oi —jei.

Hechos 1:16

—Cherɨvɨ reta, jupi co oyeapo vaera David aracae oicuatía Judas re vae. Espíritu Santo etei cuae omombeu ñandeve David rupi. Judas güɨraja Jesús oia pe oipɨɨ vae reta —jei—.

Romanos 10:11

Echa Tumpa iñee pe oyecuatía oi corai: “Güɨrovia jese vae ngaraa etei jei: Agüɨyeta tei arovia jese”. Jocorai oyecuatía oi.

Efesios 1:4

Echa ndei ɨvɨ oyeapo mbove, Tumpa ñandeparavo, ñande ñai vaera Cristo imbaera. Cuae oyapo, ñaneñono tee vaera iyeupeguara, jare ñanembojupi vaera jae jovaque.

Efesios 2:20

Ñamojaanga metei o. Temimondo reta jare Tumpa iñee omombeu vae reta o iguapɨara oñono vae reta rami co, jare pe reta co jae o rami. Jesucristo etei co jae ita oñeñono tenonde ora vae rami.

2 Timoteo 3:16

Opaete Tumpa iñee pe oyecuatía oi vae Tumpa co omombeu, jare icavi co ñandeve. Echa oyecuatía oi vae rupi yaicuaa mbae nunga moromboe añete vae jare mbae nunga moromboe mbaeti añete vae. Omombeu ñandeve yayavɨ yave, jare ñandepuere ñañemboe jupi vae re.

1 Pedro 2:4

Jecuaeño peya ñandeYa re. Jae co jocuae ita oicove vae. Ɨvɨ pegua reta omombo jocuae ita. Erei Tumpa oiparavo. Echa oaɨu yae.

1 Pedro 2:8

Jae co metei ita Sion pegua reta ipɨsayeyuca jese vae rami. Oyeyuca reta jocuae ita re. Jocorai oyecuatía oi. Echa jae reta mbaeti oicuaa cavi Tumpa iñee, mbaeti güɨrovia Jesucristo re rambue. Tumpa oipota jocorai oyeapo vaera.

2 Pedro 1:20

Taicuauca peve cuae: Jocuae Tumpa iñee aracae omombeu vae reta oicuatía vae mbaeti co jae reta iñemonguetaiño.

2 Pedro 3:16

Jare opaete tupapire oicuatía vae pe Pablo omombeu ñemboasa regua. Amo pe yavai yaicuaa vaera mbae ra oipota jei Pablo oicuatía vae. Jare amogüe vae güɨrova Pablo oicuatía vae. Jae ramiño vi jae reta güɨrova iru Tumpa iñee oyecuatía oi vae. Jae reta mbaeti oñemboe cavi Tumpa iñee re jare mbaeti ipɨrata iporogüɨrovia re. Jare jocorai güɨrova rambue, jae reta etei oyerova Tumpa güi.