1 Pedro 2:20 - Nuevo Testamento Guaraní Pe

²⁰ Erei peyapo yave icavi mbae vae, peya oiporaraucata peve. Jare yepe tei peiporara pepɨaguasu reve, erei ngaraa peñemboeteuca. Erei peya oiporarauca yave peve, yepe tei peyapo icavi vae, peiporara yave pepɨaguasu reve, pemboyeroviata Tumpa.

Biblia Guarani Tumpa Iñee

²⁰ Echa ikavimbae peyapo vae re peiporara jare peropɨa yave ¿oyemboeteta pa? Ërei peiporara yave ikavi vae peyapo jeko pegua, jókuae ko omboyeroviata Tumpa.

1 Pedro 2:20 ပူးပေါင်းရင်းမြစ်များ

San Mateo 26:67

Jayave amogüe vae ondɨvɨ Jesús jova re, jare oinupa. Jare iru vae reta ocua jese,

San Mateo 5:47

Jae ramiño vi peicuava yave perɨvɨ retaño, jocuae mbaeti etei co mbae icavi vae. Echa mburuvicha peguara ocovara vae reta vi oyapo jocorai —jei—.

San Marcos 14:65

Jare amogüe vae omboɨpɨ ondɨvɨ jese, jare oesaocua, jare ocua jese. Jare jei Jesús pe: —Emombeu oreve quia ra ocua oi nderé. Jare sacerdote tenondegua jembiócuai reta vi ocua jese.

San Lucas 6:32

Echa peaɨu yave peraɨu vae retaño, jocuae mbaeti co mbae icavi vae. Echa iyoa vae reta yae chupe vae oyapo vi jocorai —jei—.

1 Corintios 4:11

Jecuaeño oreñɨmbɨaɨ jare royúe ɨ. Jecuaeño oata oreve temimonde. Iru vae reta orenupa. Mbaeti co orero.

Gálatas 4:18

Erei icavi jecuaeño peratangatu vaera icavi vae re - mbaeti pepɨri ai yaveño.

Efesios 5:10

Jecuaeño peipota peicuaa ñandeYa oipota peyapo vaera vae.

Filipenses 4:18

Erei che opaete mbaembae anoi. Jeta yae anoi. Mbaeti mbae oata cheve. Echa Epafrodito omee ma cheve pembou cheve vae. Jocuae pembou vae metei mbae icavi vae oñemee Tumpa pe vae rami co. Jocuae nunga omboyerovia Tumpa. Jae co mbae ipiche cavi vae rami.

1 Pedro 2:19

Peyapo yave peicuaa Tumpa oipota peyapo vaera vae, jare peiporara yave jocuae jeco pegua, pemboyeroviata Tumpa.

1 Pedro 3:14

Erei peiporara yave jupi vae peyapo rambue, peyerovia. Güɨramoi iru vae reta oipotata pemonguɨye. Erei agüɨye pequɨye chugüi reta. Agüɨye peñemambeco jese.

1 Pedro 3:17

Tumpa oipota yave, güɨramoi peiporarata icavi vae peyapo vae jeco pegua. Erei cuae icavi co. Mbaeti co icavi peyapo yave icavi mbae vae jare peiporara yave jocuae jeco pegua.