1 Corintios 15:47 - Nuevo Testamento Guaraní Pe

⁴⁷ Cuimbae tenondegua vae ɨvɨ pegua co. Echa Tumpa oyapo ɨvɨ güi. Erei cuimbae mocoia co jae ñandeYa ara güi ou vae.

Biblia Guarani Tumpa Iñee

⁴⁷ Kuimbae tenondegua vae ɨvɨ pegua ko. Echa Tumpa oyapo ɨvɨ güi. Ërei kuimbae taɨkuegua vae ko jae yandeYa ara güi ou vae.

1 Corintios 15:47 ပူးပေါင်းရင်းမြစ်များ

San Mateo 1:23

Echa jei corai: Mase, metei cuñatai cuimbae mbaeti etei güɨreco vae ipuruata jare imembɨta metei cuimbae. Jare ombojee retata Emanuel. Jocorai jei. Cuae tee oipota jei: Tumpa oime ñande ndive oi.

San Lucas 2:11

Echa cuae pɨtu oa oporomboasa vae David jenta pe. Jae co ñandeYa Cristo —jei araɨgua chupe reta—.

San Juan 3:31

Ara güi ou vae ipuere opaete iru vae reta güi. Ɨvɨ pegua reta ɨvɨ peguaño co jare imiari mbaembae ɨvɨ pe oi vae re. Ara güi ou vae ipuere opaete iru vae reta güi.

San Juan 6:33

Echa tembíu Tumpa añave omeeta vae jocuae ara güi ou vae co. Jae omeeta tecove ɨvɨ pegua reta pe —jei.

Hechos 10:36

Tumpa ombou ñee icavi vae Israel pegua reta pe. Jae omombeu chupe reta oime mbɨacatu Jesucristo re. Jesucristo co jae opaete vae iYa —jei Pedro—.

1 Corintios 15:45

Echa Tumpa iñee pe oyecuatía oi corai: “Tumpa omee tecove cuimbae tenondegua vae pe - jae co Adán. Jocuae Adán taɨcuegua vae - jae co Cristo - omee tecove ara pegua”. Jocorai oyecuatía oi.

1 Corintios 15:46

Erei ara pegua mbaeti tenonde oi. Jocuae ɨvɨ pegua tenonde oi, jare taɨcue oi ara pegua.

2 Corintios 5:1

Echa yaicuaa ñanderete omanota co. Jae co metei o mbaeti ɨma oico vae rami. Erei Tumpa omeeta ñandeve ñanderete ipɨau vae. Jae co metei o Tumpa oyapo vae rami. Jare cuae Tumpa omeeta ñandeve vae ara pegua co, mbaeti co ɨvɨ pegua, jare ngaraa etei opa.

1 Timoteo 3:16

Añete co, ñanemopɨacañɨ yae cuae ñandeveño oyecuaa vae. Echa ñande yayeócuai Tumpa pe. Tumpa oyeapo cuimbaera. Espíritu Santo oicuauca jae co jupi vae. Araɨgua reta oecha. Jeracua opaete tenta pegua reta pe. Ɨvɨ pegua reta güɨrovia jese. Jae oñemboeteuca ara pe.