Mateo 5:6 - Tü Nüchikimaajatkat Jesucristo

⁶ Anata'aleeshiija'a ma'i jia kachiiruakana aa'in aa'inraa tü anasükat, süka nükaaliijain jia Maleiwa süpüla juuntüin jaa'inrüin.

Mateo 5:6 ပူးပေါင်းရင်းမြစ်များ

Lucas 1:53

Chi eekai alin jamü nümüin, emirashi kasa anasü nütüma, otta chi washitshikai, ajütünüshi nüma'anajee nütüma sünain majapulu'ujanain.

Lucas 6:21

Anata'aleeshiija'a ma'i jia aikana amüin joolu'u jamü, süka emireenain jia so'u ka'ikat tia, je jiakana a'yalajakana joolu'u, süka jüsirajeenain so'u tia.

Lucas 6:25

Je na wayuukana eekana emirain ja'aka maa'ulu yaa, mojeerü ma'i naa'in, süka aijeerüin jamü namüin. Otta na asirajakana, ‘Aisha'ajaa’, meena naya, süka na'yalajeenain saalii mojuu aa'in.

Juan 4:14

Otta chi eekai nüseechin tü wüin taapakat, müichia nnojolin miyaasüin nüchikua. Meerü aka saa'in wane wüin aparatkat mmaapüjee, süka shii'iranajaweerüin naa'in sütüma —nümakalaka Jesús sümüin.

Juan 6:27

Nnojo kachiiruain jaa'in tü eküülü atüjakat aja'lajawaa, shia kachiirua jaa'in tü eküülü katüinjatkat atüma jo'u waneepia nümaa Maleiwa. Shia tü eküülü taapeekat jümüin tayakai chi Shipayakai Wayuu, süka laülaain taya süpüla tia nütüma chi Tashikai Maleiwa —nümakalaka Jesús namüin na wayuukana.

Juan 7:37

Je so'u tü ka'i saja'lajaakat o'u tü mi'iraakat, tü ka'i alana'aleekat sünain anain, nüsha'walaakalaka Jesús sünain maa sümüin tü wayuukolüirua emetut: —Chi eekai münyaasüin, anashi nüntüle tanainmüin nüsaiwa,

Alateetkat Mapeena 7:16

Müiria nnojolüin alin jamü namüin, müiria nnojolüin alin münyaasü namüin. Je nnojoleena e'rüin müliaa sütüma suturula ka'i je sütüma tuttuishii eekai eein.