Marcos 11:9 - Tü Nüchikimaajatkat Jesucristo

⁹ Je tü wayuukolüirua wattakat saalii nüpüleeruajee oo'ulaka nüchiiruajee Jesús, namayaa namakalaka emetut sünain nasaküin: “Aleluya”. “Wa'waajüin chi Maleiwakai süka nüjütüin wamüin chi antakai wanainmüin”.

Marcos 11:9 ပူးပေါင်းရင်းမြစ်များ

Mateo 21:9

Je tü wayuuirua wattakat saalin nüpüleerua oo'ulaka nüchiiruajee Jesús, namayaa namakalaka emetut sünain nasaküin: “Aleluya, wa'waajüin chi Nülüinkai David”. “Wa'waajüin chi Maleiwakai süka nüjütüin nia wamüin. Anata'aleeshija'a ma'i chi antakai wanainmüin”. “Aleluya, wa'waajüin ma'i Maleiwa”.

Mateo 23:39

Müshi taya joolu'u jümüin jia manoujainsaliikana tanain: Nnojoleechi taya ji'rüin tachikua wane'ere'eya jümaleepa tamüin, ‘Anata'aleeshija'a ma'i chi Nüjünalakai Maleiwa’ ”, nümakalaka Jesús.

Marcos 11:8

Awayalayaa müsü süshe'inpalajana tü wayuukolüirua wattakat saalin nüpüleerua sulu'upünaa tü wopukot. Oo'ulaka waneeirua, ashottüshii alanatüna sulu'ujee yüüja süpüla ne'itaainjatüin shia nüpüla eepünaainjachire nülatüin. Naa'inrüin tüü süpüla nee'iyatüin nujutu nümüin.

Juan 12:13

Su'unakalaka tü wayuukolüirua nüpülamüin Jesús sulu'ujee tü pueulokat sünain kajapulu'uyaa namüin alanatüna süpüla shi'itaainjatüin nüpüla eepünaainjachire nülatüin süpüla shii'iyatüin nujutu nümüin. Namayaa namakalaka emetuluin sünain asakaa nia: “Aleluya”. “Wa'waajüin chi Maleiwakai süka nüjütüin wamüin chi Aluwataashikai waa'u wayakana Israelkana”. “Anata'aleeshija'a ma'i chi antakai wanainmüin”.

Juan 19:15

Otta müshi'iya na wayuukana, masütaajusalii sümaa nekiisa sünain maa nümüin: —Pi'ikaje'era maala nia yaajee pükacheriraiwan nia sünain kuruusa süpüla ouktaa —namakalaka. —¿Shiimüin sünain jücheküin sünain takacherirüin jümüin chi Aluwataashikai jaa'u? —nümakalaka Pilato namüin. Otta na laülaashiikana na'akajee na sacerdotekana, nasouktakalaka nümüin: —Nnojoishi niain aluwataain waa'u. Nia nümüiwa aluwataaka waa'u César.