Lucas 9:19 - Tü Nüchikimaajatkat Jesucristo

¹⁹ Nasouktakalaka: —“Niataa Juan chi owoutisaajüikai”, müsü waneeirua. “Niataa Elías”, eesü makat. “Oso'iraataasü naa'in wane eekai nünüikimaajachin Maleiwa paala sümaiwa”, eesü makat ne'e —namakalaka nümüin.

Lucas 9:19 ပူးပေါင်းရင်းမြစ်များ

Mateo 14:2

Nümakalaka Herodes namüin na a'yataaliikana nümüin: “Chi Jesúskai anülia, nia ne'e naa'in tamüin Juan chi owoutisaajüikai, oso'iraasü eera naa'in süchikijee ouktaa. Müshijese pülashin nia süpüla aa'inraa tü nütüjakat apüleerua Maleiwa nümüiwa”, nümakalaka Herodes.

Mateo 3:1

Je so'u ka'ikalüirua tia, eweetüshi Juan chi owoutisaajüikai sünain aküjaa nüchiki Maleiwa sümüin wayuu cha'aya isashiipa'a sulu'u tü mmakat Judea.

Marcos 6:14

Otta müshia Herodes, chi sülaülashikai mma, naapa achikichi Jesús süka wattaitpain nüchiki sainküin mma. Müsü sünüiki wane wayuu nüchiki: —Chi Jesúskai anülia, nia'aya ne'e naa'in wamüin Juan chi owoutisaajüikai, oso'iraataasü eera naa'in süchikijee ouktaa. Müshijese'e pülashin nia süpüla aa'inraa tü kasa nütüjakat apüleerua Maleiwa nümüiwa.

Marcos 6:15

Shiasa süküjala waneeirua: —Niataa Elías. Otta sünüiki wane'eya: —Niataa wane nünüikimaajachi Maleiwa maa aka na nünüikimaajana namaiwajanakana.

Lucas 9:18

Shiasa so'u wane ka'i, aashajaashi Jesús nümaa Maleiwa najuuna na nikirajüinkana. Je süchikijee, nüsakitkalaka joo naya: —¿Jarai taya saashin tü wattakat saalin wayuu?

Lucas 9:20

—Jama jiakana, ¿jarai taya jaajüin? —nümakalaka namüin. Nüsouktakalaka joo Pedro nümüin: —Pia Cristo, chi Nüneekajalakai Maleiwa süpüla o'tte'eraa wayuu.

Juan 1:21

Nasakirakalaka sünain müleka niale Elías. —Nnojo, nnojoishi tayain Elías —nümakalaka Juan namüin. Nasakirakalaka joo nia sünain müleka niale chi Nünüikimaajachikai Maleiwa ajütünajachikai so'uweena wane ka'i sa'akamüin wayuu. —Nnojo, nnojoishi tayain chi wayuukai —müshija'a joo nia namüin.

Juan 1:25

Nasakirakalaka nia: —¿Jamaka'a puwoutisaajaka'a wayuu sünain nnojolin piain Cristoin, sünain nnojolin piain Elías, je sünain nnojolin piain chi Nünüikimaajachikai Maleiwa? —namakalaka nümüin Juan.

Juan 7:40

Shiasa su'uluku tü e'rajüsükat sükua tü mi'iraakat saapapa nünüiki Jesús, müshii yaa: “Shiimain sümaa niain chi Nünüikimaajachikai Maleiwa ajütünajachikai so'uweena wane ka'i sa'akamüin wayuu”.

Juan 9:17

nasakirakalaka chi mo'upü'ükai nüchikua'aya: —Piakai ko'ushikai nütüma, ¿jarai naa'in pümüin? —namakalaka nümüin. Nüsouktakalaka chi wayuukai namüin: —Wane nünüikimaajachi Maleiwa naa'in tamüin —nümakalaka namüin.